Maamulka cusub ee gobolka Banaadir ayaa sheegay in uu xoog u adeegsanayo amaan kusoo dabaalida magaalada Muqdisho.

 Maxamed  Cisman Cali oo loo yaqaan  dhagaxtuur  oo ah gudoomiye ku xigeenka gobolka Banaadir ee dhinaca nabadgelyada oo maanta shir jiraa’id ku qabtay magaalada Muqdisho ayaa sheegay  in maamulkiisu uu xoog u adeegsanayo sugida amaanka magaalada caasimada ah ee Muqdisho oo maalmihii lasoo dhaafay ay kusoo badanayeen dilka loo gaysanayo waxgaradka ku dhaqan magaalada .Gudoomiye ku xigeenka gobolka Banaadir ee dhanka nabadgelyada ayaa sheegay  in arinta sugida amaanka magaalada Muqdisho ay la kaashanayaan saraakiisha ciidanka booliska ,mas’uuliyiinta ururrada bulshada rayidka iyo waxgaradka gobolka .

 Gudoomiye ku xigeenka ayaa sheegay in sida ugu dhaqsiyaha badan ay u abuurayaan ciidan suga amniga magaalada Muqdisho oo ay ku xareynayaan xerooyinka kala ah :Geed timir,Qorilow iyo dhanane.Gudoomiye ku xigeenku waxa kaloo uu sheegay in aan indhaha laga laaban doonin amaan derida kusoo korortay magaalada Muqdisho ..

 Gabagabadii shirkaasi jaraa’id ayaa gudoomiye ku xigeenku waxa uu saxaada u qeybiyey war saxaafadeed  lagu sheegay in amaanka magaalada uu muhiim u yahay  dhamaan shacbiga gobolka  laakiin in wax laga qabto arintaasi  horey  jeer loogu guul dareystay  sababo ay ugu muhiimsanyihiin kuwan hoos ku xusan:

 1) ma jirin cid awood buuxda u lahayd magacaabida maamulka gobolka Banaadir illaa iyo heer xukuumadeed wixii hadda ka horeeyey isla markaaina uu hadda dhisanyahay haykal qaran oo loo wada dhanyahay

 2). jiritaan la’aan maamul qaran ,maadaama 14 –kii sano ee lasoo dhaafay uu maqnaa maamul qaran oo lagu mideysanyahay.

 3)danta qaranka oo laga hormariyo danta khaaska ah.

 Ku dhawaaqista wax ka qabashada xaalada amaanka magaalada Muqdisho ayaa yimid dhowr maalin ka dib markii la dilay agaasimihii hore ee hay’adda CRD C/qadir Yaxye iyo taliyihii ciidmada maxkamada islaamiga ah Ifkaxalan.

Maxamed Cumar sheekh (Maxamed Cadde)
Rochester Somali Tv Muqdisho

Cadde_8@hotmail.com