Maxamad Dheere oo ka hadlay dagaalka Mirtaqwo ee gobolka Shabelaha Dhexe

gudoomiyaha gudiga siyaasadda gobolka sh/dhexe maxamad cumar xabeeb (maxamad dheere ) ayaa maanta soo saaray warsaxaafadeed uu kaga hadlaayo dagaalada ka dhacay tuulada miirtaqwo oo ka tirsan G/Sh/dhexe.

waxaana uu maxamad dheere sheegay inuu u diray ciidamo ka tirsan maamulkiisa imay soo qabqabtaan danbiileyaal gudoomiyihii degmada miirtaqwo, waxaana uu sheegay in sedax nin oo mid ka mida uu yahay gacan ku dhiiglihii dilay gudoomiyaha gacanta lagu hayo.

waxaa kale oo uu sheegay inay gacanta ku soo dhigeen nin gacan ku dhiigle ah oo sida uu sheegay dilay allaha u naxariistee jeneraal maxamad cabdi oo lagu dilay magaalada muqdisho.

sidoo kale waxaa uu hoosta ka xariiqay in dhamaan raggan la soo taagi doono maxkamad, isagoo sheegay in dagaalada ka socda sh/dhexe ay wadaan rag uu ku jiro gudoomiye ku-xigeenkiisii hore, waxaana uu tilmaamay in haddii aysan joojin dagaalada ay wadaan uu muqdisho ugu imaan doono.

inkastoo uu sheegay in ay deegaanadaasi xasiloon yihiin ayaa hadana shalay iyo xalay ay ka dhacayeen dilal aan loo meel dayin.

muxyaddiin cali jimcaale jakuula

muqdisho somalia