Kulankii Baarlamaanka Muqdisho uu ku yeelan lahaa oo dib udhac uu ku yimid

Guddoomiye ku xigeenka 2aad ee golaha Baarlamaanka Dowladda federaalka Ku meel gaarka ah ee Somalia Cismaan Cilmi Boqore ayaa sheegay in dib loo dhigay kulankii 25 bishaan  ay yeelan lahaayeen xubnaha Barlamaanka ee uu horey ugu dhawaaqay Gudoomiyaha baarlamaanka Shariif Xasan Sheekh  Aadan

 Cismaan Cilmi Boqorre  ayaa waxaa kaloo uu sheegay in guddoomiyaha Baarlamaanka Shariif Xasan uu xiriir lasoo sameeyay isaga oo ku sugan magaaladda Sanca ee xarunta wadan Yaman una sheegay in dib loo dhigay  kulankii  barlamaanka ay yeelan lahaayeen Maalinta Sabtida ah oo ku began  25ka bishaan

Cismaan Cilmi Boqore ayaa intaa raaciyey in guddoomiyaha baarlamanka uu ka qayb  gali doono maalinta Xuriyadda Dalka Jabuuti oo ku began 27ka bisha haatan socota

Boqore ayaa si daran u diiday in sababaha uu u baaqday kulanka 25 ka bishan uu yahay kooramka oo buuxsami waayey dartii,laakiin waxa uu sheegay inuu u baaqaday codsi ka yimid gudoomiyaha wuxuuna sheegay in maalinta bari ah ay xillibaanada ku sugan Muqdisho ay yeelan doonaan kulankii caadiga ahaa ee ay kaga hadli jireen nabadeyntii magaalada Muqdisho.

12kii Bisdhaan ayay ahayd markii  Madaxweyn C/laahi yuusuf uu kala diray Xubnaha Baarlamaanka kulan ka dhacay Magaaladda Nairobi asagoo ugu baaqay in ay aadaan deegaanadii ay ka dhasheen laakiin arintaa ayada ah waxa ay u cuntami weysay gudoomiyaha barlamaanka oo asna ku dhawaaqay in xilligan aan la fasixi karin xillibaanada howlaha u yaal oo aad u fara badan darteed.

Maxamed Cumar Sheekh (Maxamed Cadde)

Rochester Somali Tv    Muqdisho-Somalia

Cadde_8@hotmail.com