Xoghayaha Guud ee Q.M Kofi Anan ayaa war bixin cusub uu soo saaray kaga dalbaday hogaamiyeyaasha kooxaha Soomaalidu in ay wada hadalo dib u bilaabaan si ay u soo afjaraan khilaafka u dhaxeeya.

Kofi Anan, Xoghayaha guud ee Q.M

Xoghayaha Guud ee Q.M Kofi Anan waxa uu sheegay in howlgalka hay'adaha federaaliga dalka Soomaliya ay hortaagan yihiin kooxaha Soomaalida ee iyagu talada dalka haya khilaafka dhex taagan.

" Waxaan aad uga walwalsanahay ayu yiri Kofi Anan xiisadaha siyaasadeed ee u dhaxeeya hogaamiyeyaasha siyaasadeed ee dowlada FS, taasoo sare u qaaday in diyaar garow Militari oo dhex dooda ah dalka uu ka dhaco".

Kofi Anan waxaa sidoo kale uu sheegay halkii lala tacaali lahaa qodobada ka dhex taagan ee dhinaca amniga ee dowladda in ay markasi ku dhaqaaqeen waxyaabo keeni kara dhibaato, waxa uuna ku baaqay in dib u heshiisiin ay galaan isla markaana ay hormariyaan hanaanka nololeed ee dadka Soomaaliya.

Hogaamiyeyaasha ku jira dowladda FS ayaa waxaa looga baahan yahay buu yiri in aysan diidin heshiiska sida ay sameeyeen.

Xiisadaha u dhaxeeya dowladda FS qeybaheed kala duwan oo qeyb Jowhar ay ku sugan tahay oo Ra'isulwasaare Geedi iyo Madaxweynaha ay ku jiraan iyo Gudoomiyaha Baarlamanka FS Shariif Xasan Sheekh Aadan iyo wasiirada kale ee magaalada Muqdisho fadhigeedu yahay ayaa waxa uu sii fogeeyay dhibaatada ka dhex taagan labada gole ee dowladda FS, taasoo keentay in xoghayaha guud ee Q.M Kofi Anan uu ka digo sii socoshada dhibaatooyinka ka dhex taagan dowladda FS oo uu sheegay in ay tahay waxyaabaha keenaya in caqabad ay ku timaado shaqeynta hay'adaha federaaliga ah ee dowladii lagu soo dhisay Kenya.

Ilaa laga xaliyo ayuu yiri khilaafaadka u dhaxeeya labada gole ayuu yiri ma noqon doonaan hay'adaha federaalka ee dowladda kuwo shaqeeya, waxaana xiisadaha siyasadeed ee iminka jira ay noqonayaan kuwo sii xoogeysta oo qoto dheeraada, waxaana loo baahan yahay in dadka soomaaliyeed aysan weyn hay'adahooda federaalka ah oo u howlgala oo la xaliyo khilaafka jira.

Xoghayaha guud ee Q.M Kofi anan sidoo kale waxa uu ugu baaqay hogaamiyeyasha Soomaaliyeed iyo dalalka gobolka ku yaala gaar ahaan in aysan qeyb ka noqon sii socoshada xiisadaha siyaasadeed iyo mida militari ee ka jirta wadanka Somaliya, isagoo mar labaad ugu baaqay hogaamiyeesha siyaasada Soomaaliya in ay gaaraan isfaham iyo xabad joojin.

Xukuumadda FS oo ah xukuumada dunidal laga aqoonsan yahay ayaa waxaa la soo dhisay sanadkii 2004 ta, waxaana lagu soo dhisay dalka Kenya.

muxyadiin cali jimcaalle jakuula

jakuula@hotmail.com

muqdisho somaliya