Dowladda Kenya ayaa ka codsatay Midowga reer Yurub inuu taageero Dowladda FKMG ah ee Soomaaliya oo dhibaatooyin badan ay ku heysato gudaha Soomaaliya .

wasiirka Iskaashiga Gobolka Kenya John Arab Koch ayaa gaarsiiyay Barek Fandar oo ah mas'uulka Midowga Yurub u qeybsan barnaamijka kobcinta Qaaradda Afrika inuu gacan ka geysto arintaasi , isagoo muujiyay ahmiyadda balaaran ee ay ku fadhido kaalmo dhaqaale Midowga reer Yurub uu gaarsiiyo Soomaaliya si ay uga howlgasho sugidda amaanka iyo soo celinta deganaanshaha.

Hadalkan ayaa waxa uu soo baxay xilli Madaxweynaha dalka Kenya Muwaay Kibaaki uu cadeeyay in dadaalkii dowladiisa ay u gashay Soomaaliya ay miro dhashay loona baahan yahay in Ganacsatada Kenyaanka ah inay maalgeshtaan Soomaaliya .

Kibaaki oo u waramayay Saxaafadda Nairobi ayaa intaasi ku daray in fursadaha Nabadda Soomaaliya ay dhiiri gelineyso horumarka xiriirka ganacsi ee ka dhaxeeya Soomaaliya iyo Kenya , waxa uuna intaasi ku daray in Soomaaliya ay u baahan tahay kaalmooyin isugu jira dhaqaale iyo mid siyaasadeed intaba.

muxyadiin cali jimcaalle jakuula

jakuula@hotmail.com

muqdisho somaliya