Gudigii isbaarada qaadista oo ku guuleystay in ay qaadaan isbaaradii Ex kontorool  iyo Iabahaysiga SNA oo shegay in degmada Wardhiigley ay diyaar u tahay  khudbad uu guddoomiya gobalku halkaa ka jeediyo

 Gudigii  loo xilsaarey isbaara qaadista magaalada Muqdisho ayaa maanta  ku guuleystay in ay qaadaan isbaaradii Excontrol Afgooye taasoo ay tiilay wasiirka howlaha guud iyo guryeynta Cismaan Xasan Cali Caato .

Cisman Caato wasiirka howlaha guud iyo guryeynta ayaa ku dhawaaqay in maanta wixii ka danbeeye aan loosoo celin doonin isbaaradan,waxaana xiligii la qaadayey isbarada ka qeybgaley mas'uuliyiin ka tirsan labada gole ee dawlada .

Dadkii ka qeybgaley isbaaroqaadistaasi ayaa waxaa  ka mid ahaawasiirka hubka dhigista iyo dhaqancelinta maleeshiyooyinka Bootaan Ciise Caalim iyo xillibaan C/laahi Black waxayna  Cisman Caato uga mahadceliyey falka dheernaanta  leh ee uu ku dhaqaaqay. Waxaana si aad ah arintan usoo dhaweeyey darawalada gaadiidka ee kahowlgala wadada Afgooye iyo Muqdsho..

Dhinaca kale  masuuliyiinta Isbahaysiga SNA ee uu horkaco  ra'isulwasaare ku xigeenka ahna wasiirka arrimaha gudaha Xuseen Maxamed Faarax Caydiid ayaa sheegay in si rasmi ah loosoo gabagabeeyay howlihii dayactirka iyo nadiifinta ahaa  ee baryahanba ka socotay xarunta degmada Wardhiigley ee magaalada Muqdisho.

Howshan lagu dayactirayey xarunata degmada Wardhiigley oo mudo  todobaad ah socotay ayaa waxa ay kusoo aaday  xilli uu  gudoomiyaha gobolka Maxamuud Xasan Cali Cadde ku dhawaaqay in qudbadiisa ugu horeysa uu ka jeedin doono degmada Wardheegley.

 Khaliif Cali Shire oo ah sarkaal sare oo ka tirsan isbahaysiga SNA  oo saxaafadda la hadlay ayaa sheegay in rasmi ahaan la soo gabagabeeyay howlihii nadaafadda iyo dayactirka isugu jiray ee ka socday deg Wardhiigley lasoo gabagabeeyay waxa haatan ay sugayaanna ay tahay guddoomiyaha gobalka oo halkaa yimada kana jeediya khudbaddii uu ugu talagalay shcabka goblka Banaadir.

Khaliif waxaa uu intaa raaaciyay in ay diyariyeen xaflad aad u weyn ay loogu talagalay in guddoomiyaha gobalka Banaadir lagulasoo dhaweeyo xarunta deg Wadrdhiigley oo haatan uu xusay dib in ay usoo celiyeen bilicdeedii isla markaana dadkii daganaa ay ka saareen.

 Maxamed Cumar Sheekh (Maxamed Cadde)
Rochester  Somali Tv  Muqdisho

Cadde_8@hotmail.com