Xildhibaan Enj Maxamed Xuseen Caddow oo ka mid ah xildhibaanada reer muqdisha ayaa si cad uga hor yimid qorshaha Maamul u sameynta Gobolka Banaadir ee ay wadaan xubnaha Labada Gole ee ku sugan magaalada Muqdisho.

Enj Caddow oo taageero Siyaasadeed ka haysta Xildhibaan Xuseen Caraale oo isna ka mid ah xildhibaanada reer Murdisho ugu jira Baarlamaanka Federaalka ayaa waxaa uu ka soo horjeestay in Maamul loo sameeyo Gobolka Banaadir, qorshahan oo ay wataan Wasiirada Ganacsiga iyo Ammaanka Qaranka isla markaana ay taageersan yihiin xubnaha Labada gole qaybta Muqdisho qaar ka mid ah.

Waxaa uu ku dooday waa Enj Caddow in Gobolka Banaadir Maamul u dhisan yahay, kaas oo soo magacabay Ra’iisal Wasaaraha Soomaaliya Prof. Cali Maxamed Geeddi,”looma baahna in Maamul kale la sameeyo, waa in la taageera Maamulka Cadde Madaxda u yahay, haddii Maamul kale la dhiso waxaa ka imaan karo waa dagaal beelaha degan Gobolka”.

Dhinaca kale Xildhibaan Xuseen Caraale ayaa ka soo guuray Hotelka Saxafi isagoo u soo guuray degaanka Kaaran oo ay ku sugan yihiin Maleeshiyo isku heyb yihiin, sababta keentay inuu ka soo guuro Hotelka ay tahay khilaaf ku saabsan Maamul u sameynta Gobolka Banaadir.

jakuula@hotmail.com