Imaatinkii Shariifka ee Muqdisho oo dib u dhacay

 Maanta ayey aheyd markii lagu dhawaaqay in gudoomiyaha barlamaanka dawlada Kmg ee Somalia Sharif Xasan Sheekh Aadan  uu dib ugu soo laaban doono magaalada caasimada ah ee Muqdisho ka dib socdaalo uu lusoo kala bixiyey wadanka  Yaman iyo  wadanka Djibouti  oo uu haatanba ku suganyahay .

Gudoomiyaha barlamaanka Somalia ayaa waxa uu iminka ku suganyahay magaalada Djibouti ee xarunta wadanka Djibouti halkaasoo baryahanba uu kulamo ku lahaa mas'uuliyiinta wadankaasi oo ayagu doonaya in ay dhexdhexaadiyaan madaxweyne C/laahi Yuusuf  iyo Shariifka si loo soo afjaro khilaafka dawlada ka dhex taagan ,laakiin Shariif Xasan waxa uu sheegayoo uu ku adkeystey  in uu wadatashiyo  marka hore lasoo sameynayo xubnaha dawlada ee Muqdisho ku sugan  ka dib markii la isku mari waayey kulankii ka dhacay magaalada Sanca ee xarunta wadanka Yaman.

 Shariif Xasan ayaa sidoo kale xaley kula kulmay magaalada Djibouti ergeyga  qaramada midoobay  u qaabilsan Somalia  Farans Fol .Labada mas'uul ayaa la sheegayaa in ay kawada hadleen arimo fara badan oo ay ka mid ahaayeen dhameynta khilaafka ka dhexeeya asaga iyo madaxweynaha .

 C/laahi iyo Shariifka ayaa ayagu isku haysta arimo aan sidaa u badnryn oo ay ugu muhiinsanyihiin arinta caasimada Muqdisho iyo ciidamada ka imanaya wadamada deriska ah .

 Dawlada Djibouti ayaa la sheegayaa in ay isku dayeyso dhameynta khilaafaadka xubnaha sarsare ee dawlada si uusan khilaafki u ballaaran inta uu wax ka qabashada leeyahayna wax laga qabto.

Maxamed Cumar Sheekh (Maxamed Cadde)
Rochester Somali Tv  Muqdsiho

Cadde_8@hotmail.com