Heshiis rasmi ah oo ay wada gaareen maanta Puntland iyo dowlada kmg ah.

Maalmihii lasoo dhaafay magaalada Jowhar waxaa ka socday wadahadal ad u kululaa oo u dhexeeyey wasiiro ka socday maamul goboleedka Puntland iyo golaga wasiirada dowlada ku meel gaarka ah ee somalia ee magaalada Jowhar.

Maalintii shalay ahayd ayaa labada dhinac waxa ay ku sigteen in ay ku kala dareeraan kulamii ay lahaayeen taasoo keentay in madaxweyne C/laahi Yuusuf iyo ra'isulwasare Geedi ay soo kala dhex galaan.

maanta ayaa si rasmi ah loo shaaciyay in labada dhina ay gaareen heshiis rasmi ah oo loo wada dhan yahay .

Shir jaraa'i\d ay si wada jir ah u wada qabteen ra'isulwasaaraha dolwada ku meel gaarka ah iyo wasiirka arimaha diinta iyo awqaafta Barqad Cal Saalab ayaa arintaa lagu shaaciyay.

Ra'isulwasaaraha dowlada ku meel gaarka ah ah ee Somalia Cali Maxamed Geedi ayaa sheegay in labada dhina intii ay ku guda jireen wadahadalada ay muujiyeen dhabar adeeg iyo geesinimo iyagoo markii ugu danbeysayna gaaray heshiis rasmo ah.

Ra'isulwasaaraha dowlada kmg ahi waxa uu sheegay in labada dhinac ay ku heshiiyeen qodoabad uu dhigayo dastuurka ku meel gaarka ah iyo dastuurka u yaalla maamulka Punland.

wasirka awqaafta iyo arimaha diinta maamul goboleedka Puntland oo asna shirkaasi jaraa'id ka hadlay ayaa sheegay in ay heshiis ay ka gaareen Mugdigii kala dhexeeyey dowlada ku meel gaarka isagoo hambalyo iyo mahadcelin u diray wasiiradii wada xaajoodkla ay kula jireen oo madaxda u ahaa wasiirka dastuurka iyo arimaha federaalka Cabdalle Deerwi Isaaq.

Wasiirkan ka socda mamulka goboleedka Puntland ayaa sheegay in waxyaabaha lagu heshiiyay ay yihiin qodoabada dastuurka somalia uu dhigayo oo aanu ahayn wax dibada uga baxsan.

Heshiikan maanta ay wada gaareen labada dhinay ayaa soo afjaraya khilaafka u dhexeeyey labada dhinac ee ku saabsanaa cidda maamulaysa shidaalka maamul goboleedka Puntland laga soo saarayo.

Maxamed Cumar Shiikh.

Rochester Somali Tv,Muqdisho.

Mcadde@rstvonline.com.