Afahayeenka labada gole ee Muqdisho Col.Cumar Xaashi Aadan oo maanta warsaxaafadeed uu soo ssaray labada gole ee muqdisho ayaa waxa uu sheegay in qorshahan uusan aheyn mid ka yimid beesha caalamka ama urur goboleedka Igad, hasa ahaatee ay abaabulkiisa oo qura ay leedahay dowladda Ethiopia, fulintiisana ay gacan ka siinayaan xubnaha dowladda Garabka Jowhar.

Afayeenka labada gole ayaa Warsaxaafadeedkaasi uu ku sheegay in qorshahaasi lagula dagaalamayo nolosha hantida iyo xasiloonida dadka Soomaaliyeed ee degan magaalada Muqdisho iyo gobolada Ku xiran, iyadoo lagu cuna qabateynayo awooda ciidan, dhaqaalahooda iyo abaabulkooda bulshadeed ee caalamka la leeyihiin.

War saxaafadeedkooda ku sheegay in arinta ay ka weyn tahay loolanka ka dhex jira labada gole dhexdooda, iyadoo lagu tilmaamay qulqulatooyinka badda, afduubka, maraakiibta, xerida garoomada diyaaradaha iyo fidinta dacaayadaha Somaliya lidka ku ah in loola jeedo in lagu xalaashado cuna qabateynta magaalada Muqdisho iyo gobolada ku xiran waa sida lagu yiri war saxaafadeedkaasi.

Wra saxaafadeedkan ayaa waxa baaq loogu jeediyay Shacabka Muqdisho in ay ku baraarugaan arintaasi islamarkaana ay bilaabaan abaabul kasta oo looga hortagayao in cuna qabateyntaasi ay hirgasho.

Xubnaha labada gole ayaa sidoo kale warsaxaafadeedkooda waxa ay kaga codsadeen dowladda Kenya in ay soo faragalin arimaha gudaha Somaliya ee shuruucda caalamka ay ka reebeyso isla markaana aysan sameyn xag jirnimo.

Ugu dambeyntii qoraalkaasi ayaa waxaa loogu baaqay Jaamacadda Carabta in ay ka fiirsato la safashada dhinac ka mid ah dowladda iyo xafiis ka furashada Jowhar iyo dhaqaale siinta dowladda FS, taasoo ay sheegeen in ay keeni karto cawaaqib xumo ka dhalata Somaliya

muxyadiin cali jimcaalle jakuula

jakuula@hotmail.com

muqdisho somaliya