Kulankii golaha wasiirada uu shir gudoominaayey R/Geedi oo ka dhacay Xarunta madaxtooyadda Villa Somaliya

Kulankani oo uu shir gudoominaayey R/Geedi oo ku soo gabagaboobay xarunta madaxtooyada ee Villa Somaliya ee magaalada Muqdisho Kulankaan oo ay ka soo qeybgaleen xubno ka tirsan golaha xukuumadda FS iyo xildhibaano ka tirsan baarlamanka FS ayaa waxaa looga hadlay qodobo dhowr ah oo dood dheer ka dib ay soo saareen

Qodobadaasi ayaa waxaa ka mid ahaa cambaareyn ay u soo jeediyeen falkii shalay ka dhacay magaalada Muqdisho markii uu ra'isulwasaare Geedi iyo wafdigii uu horkacayay ay soo gaareen magaalada Muqdisho

Wasiirka dhulka iyo degaameynta Mowliid Macaane oo kulankaasi ka dib saxaafadda u aqriyay waxii ka soo baxay kulankooda ayaa waxa uu sheegay in qodobadii ay ka soo saareen ay ka mdi tahay in la magacaabo Gudi soo baara dhacdiii shalay ka dhacay Muqdisho, iyadoo Gudigaasi Gudoomiye looga dhigay Ra'isulwasaare k/xigeenka ahna wasiirka arimaha

 gudaha Xuseen Ceydiid, in wasiirka amniga Max'ed Qanyare Afrax iyo wasiirka Ganacsiga Muuse Suudi Yalaxow oo ay sheegeen in si bareer ah ay u diideen ka soo qeybgalka shirkii maanta golaha wasiirada ee lagu qabtey Villa Somaliya, ay ogeysiinayaan shacabka Soomaaliyeed iyo beesha caalamka in labadaasi wasiir ay caqabad ku yihiin geedi socodka nabadda Somaliya.

Prof. Geedi oo isna la hadlay saxaafadda ayaa waxa uu ka jawaabay su'aalo dhowr ah oo ku saabsan intooda badan qaraxii shalay dhacay, isagoo ku tilmaamay qaraxaasi in uu ahaa mid muujinaya dagaal lagu hayo sharafta iyo karaamada Soomaaliyeed, isla markaana aanu uga baaqsan doonin howlahooda nabadda.

Wasiiradii muqdisho ku sugnaa oo ka soo qayb galay ayaa waxaa kamid ahaa wasiirka macdanta iyo biyaha Maxamuud Salaad Nuur wasiiru dowlaha gaadiidka bada iyo dekadaha Maxamed Jaamac Furux iyo xubno kamida xildhibaanadii Muqdsho uu kamid yahay INJ Maxamed Cuseen Cadow xildhibaan Xuseen Carale

Geedi waxa uu sheegay in qaraxaasi uu ahaa mid fuleynimo ah isla markaana beesha caalamka iyo dhamaan inta waxgaradka ah ay cambaareeysay waa sida uu hadalka u dhigaye waxa kaloo geedi sheegay inay Beesha caalamka ay u soo gurmatay oo shan kaida dhaawicii ay ku qaadeen Diyaarad aan balaasuliyey Nayroobi

Muxyadiin Cali jimacaalle jakuula

jakuula@hotmail.com

Muqdisho Somaliya