Golaha wasiirada Jowhar ku sugan oo maanta kulan ay albaabadu u xiran yihiin yeeshay

Golaha wasiirada ee ku sugan magaalada Jowhar ee xarunta dawlada kumeel gaarka ah ee Soomaaliya ayaa maanta waxa uu magaalada Jowhar uga furmay kulan ay albaabadu u xiran yihiin oo ay shir gudoominayay ra’isulwasaaraha dawlada federaalka Soomaaliya cali Maxamed Geedi .

Kulankan ayaa waxaa looga wada hadlayay arimo dhowr ah oo ay ugu waa weynaayeen miizaaniyada dawlada ,xaaladauu iminka ku sugan yahay wadanka iyo waxyaabihii kasoo baxay kulankii dhex maray ergeyga gaarka ah ee qaramada midoobay ugu qaabilsan arimaha Soomaaliya faransi fall , madaxweynaha dawlada federaalka Soomaaliya C/laahi yuusuf Axmed iyo ra’isulwasaaraha dawlada federaalka Soomaaliya Cali Maxamed Geedi.

Kulankan golaha wasiirada ee Jowhar ku sugan ay yeesheen ayaa ah mid aanay xubnaha golaha wasiirada oo dhan kawada qyb galaynin ayadoo in ku dhow toban wasiir ay ku sugan yihiin magaalada muqdisho .Kulankan ayaa lagu tirinayaa inuu yahay kii ugu horeeyey ee ay yeeshaan xubnaha golaha wasiirada tan iyo markii lagu dhawaaqay in xukuumada ay soo degtay gudaha wadanka Soomaaliya.

Maxamed Cumar Sheeq
Rochester Somali Tv  Muqdisho .

Mcadde@rstvonline.com