Gudigii loo xilsaaray arimaha maamul u sameynta gobolka Banadir ayaa sheegay in ay socoto dadaalo la isugu keenayo golayaasha deegaan ee maamulka gobolka Banadir oo dhowaan xubnana labada gole ee Muqdisho ay anisixiyeen.

XIldhibaan Axmed Diiriye oo ka mid ah gudiga u xilsaaran arimaha maamul u sameynta gobolka Banadir oo maanta u saxaafada ayaa waxa uu sheegay golaha degaanka gobolka Banadir oo dhowaan xubnaha Baarlamanka Muqdisho u kala qeybiyay beelaha gobolka Banadir ay mareyso heer gabo gabo ah.

Xildhibaan Axmed Diiriye waxaa kaloo uu sheegay in beelaha qaar ay soo gudbiyeen xubnihii uga mid noqon lahaa golaha degaanka gobolka Banadir, iyadoo beelaha aan wali soo gudbin sida uu sheegay ay ku howlan yihiin sidii ay isaga soo dhex xuli lahaayeen xubnahii uga mid noqon lahaa maamulka cusub ee gobolka Banadir, isagoo intaasi ku daray in rajo weyn ay ka qabaan arimahaasi in ay ku dhamaadaan sidii loogu talo galay isla markaana uu soo gabogaboobo bilowga todobaadka soo socda.

Golaha degaanka gobolka Banadir ayaa xeerka loo sameeyay waxa uu awood u siinayaa in ay dhisaan maamul uu yeesho gobolka Banadir, taasoo mudooyinkaan ay ku howlanaayeen sidii ay u soo gabo gabeyn lahaayeen xubnaha loo xilsaaray arimhaasi, taasoo ka dhigaysa markii ugu horeysay oo gole degaan uu yeesho gobolkla Banadir

Muxyadiin Cali jimcaalle jakuula

jakuula@hotmail.com

Muqdisho Somaliya