Golaha amanaka ee Q.M aya ku booriyey dhamaan kooxaha Soomaalida inay dib boorka isaga jafaan oo ay xal nabadeed u raadiyaan khiliaafkooda, iyadoo loo marayo wadahadal xaga siyaasada ah.

Goluhu waxa uu sheegay in ay muhiim tahay in madaxda Soomaalida ay wax ku qaataan baaqooda oo ay soo afjaraan khilaafka u dhaxeeya.

Gudoomiyaha iminka ee golaha amaanka Mihnea Motoc ayaa hadalkan boorinta ah ka sheegay shir jaraa’id oo xubnaha golaha ay ku muujiyeen sida ay uga xun yihiin dilkii todobaadkan loo geystay sarkaal xaga amaanka qaabilsan oo ka tirsan hay’ada UNDP, kaasoo kooxo dabley ah ay ku dileen magaalada Kismaayo.

Golaha amaanka ayaa carabka ku adkeeyey in ay sii wadayaan taageerada la xiriirta sidii loo xoojin lahaa xayiraada xaga hubka ah ee ssaaran dalka Soomaaliya, waxayna ugu baaqeen wadamada deriska in ay tixgeliyaan xayiraadaasi.

Golaha amaanka waxa uu sheegay in ay muhiim tahay in madaxda Soomaalida ay si dhab ah u eegaan howlaha ay kaga shaqeenayaan amaanka iyo xasiloonida dalkooda.

Goluhu waxa uu xusay in ka shaqeynta amaanka Somaliya ay sidoo kale muhiim u tahay guud ahaan nabadgalyada gobolka

jakuula@hotmail.com