Golaha wasiirada dowlada ku meelgaarka ah ee Somalia ayaa maanta kulan ay albaabadu u xiranyihiin waxa uu ku yeeshay magaalada Jowhar xarunta dowlada ku meel gaarka ah ee Somalia ,waxaana shirkaasi shir gudoominayay ra'isulwasaaraha xukuumada federaalka ku meel gaarka ah ee Somalia cali Maxamed geedi.

Ra'isulwasaaraha dowlada ku meel gaarka ah ee Somalia oo kulankaasi ugu horeyntii ka hadlay ayaa xubnaha golaha wasiirada waxa uu siiyay war bixin kooban oo ku saabsanayd socdaalkii uu ku tagay Talyaaniga iyo Kenya.

ra'isulwasaare Cali Maxamed geedi ayaa sheegay in labadii wadan ee uu tagay uu kala soo kulmay soo dhaweyn iyo ballanqaadyo ay siinayaan dowlada federaalka ku bmeel gaarka ah ee Somalia.

rai'isulwasaare Cali Maxamed Geedi ayaa sheegay i magaalada roma uu kulamo kula yeeshay xubno ka tirsan golaha wasiirada Talyaaniga oo ay isla soo qaadeen taaba gelinta iyo gacan qabashada dowlada Somalia oo iminka dhexdeeda oo ka taaganyahay khilaaf siyaasadeed.

Xubnaha golaha wasiirada ee maanta kulanka yeeshay ayaa isku raacay inmaalmaha soo socda ay xafiis ka furato xukuumada ku meel gaarka ah ee Somalia si ay howsheeda Muqdisho aanay u noqon mid aan caga fiican ku taagnayd .

Xubnaha golaha wasiirada ayaa sheegay in xafiiska ay ka furanayaan magaalada Muqdisho uu dhawaan xariga ka jarri dooba ra'isulwasaaraha Somalia cali Maxamed geedi oo la filayo in maalmaha so socda uu booqasho ku yimaado Muqdisho.

Afhayeenka xukuumada ku meel gaarka ah ee Somalia C/raxman Diinaare ayaa kulankaasi ka dib saxaafada u sheegay in waxyaabihii ugu muhiimsanaa kulankii maanta ay yeesheen golahawasiirada uu yahay xafiiska la go'aansaday in laga fduro magaalada Muqdisho waxa uuna sheegay afhayeenka in xafiiskaasi uu madax ka noqon doono hooshiisana uu sii wadi doono wasiirka arimaha gudaha ahna ra'isulwasaare ku xigeenka Xuseen Caydiid.

Kulankii maanta golaha wasiirada Jowhar ku sugan ay halkaa ku yeesheen ayaa ah kulankoodii ugu horeeyey ee ay yeeshaan tan iyo markii uu ra'isulwasaaraha dowlada ku meel gaarka ah ee Somalia Cali Maxamed Geedi uu dib ugu soo laabtay gudaha wadanka Somalia gaar ahaan magaalada Jowhar oo iminka xaruntiisa ah.

Maxamed Cumar Sheekh.

Rochester Somali Tv ,Muqdisho.

Mcadde@rstvonline.com.