Xubnaha labada gole ee Muqdisho ayaa ansixiyay xubnaha golaha degaanka ee dhowaan ay sameeyeen gudigii u xilsaarnaa arimaha maamul u sameynta gobolka Banadir ka dib kulan ay maanta ku yeesheen Hotelka saxafi ee magaalada Muqdisho.

Kulankii maanta ay isugu yimaadeen xubnaha dowladda garabka Muqdisho, oo uu shir gudoominayay Gudoomiyaha Baarlamanka FS Shariif Xasan Sheekh Aadan ayaa waxa ay si buuxda ugu anixiyeen xubnaha golaha degaanka ee uu yeelanayo maamulka gobolka Banadir.

Xildhibaan Cumar Xaashi Aadan oo ah afhayeenka xubnaha labada gole ee Muqdisho kana mid ah Gudiga u xilsaaran maamul u sameynta gobolka Banadir ayaa sheegay in ay sidoo kale xubnaha Baarlamanka ay gudigoodu u gudbiyeen qaabka ay golahaasi oo 64 xubnood ka kooban ugu qeybiyeen beelaha kala duwan ee Somalida, iyadoo beelaha loogu qeybiyay sidaan:-

Beesha Mudulood 13 xubnood.

Beesha Habar Giudir 9 xubnood.

Beesha Murusade 8 xubnood.

Beesha Digil iyo Mirifle 6 xubnood.

beesha Dir 4 xubnood.

Beesha Xawaadle 4 Xubnood.

Beesha Daarood 4 xubnood.

Beesha Duduble 3 xubnood.

Beesha Sheekhaal 2 xubnood.

Beesha Jareer 2 xubnood.

Beesha Reer Xamar 2 xubnood.

Beesha Gugundhabe 2 xubnood.

beesha Gaaljecel 2 xubnood.

Beesha Silcis 1 xubin.

Beesha Reer Ow xasan 1 xubin

Beesha Ujuuraan 1 xubin.

Waxaa kale uu sheegay.

Afhgayeenka Xubnaha labada gole ayaa waxaa kale uu sheegay in xubnaha dowladda FS garabka Muqdisho ay sidoo kale ajandahooda ugu jirtey in ay ka doonaan qodob la xiriirey arimaha dib u heshiisiinta ee labada garab ee dowladda FS ee ku kala sugan magaalooyinak Muqdisho iyo Jowhar, hasa ahaatee Gudoomiyaha Baarlamanka ayaa dib u dhigay ka hadalka ajandahaasi ka dib markii ay soo gaartay wararka la xiriira dilka loo geystay Qadar Cismaan Cilmi Boqorre, waxa uuna Gudoomiyaha Baarlamanka FS tacsi u direy Gudoomiye K/xigeenka Baarlamanka Boqorre ooku sugan magaalada Jowhar.

Gudoomiyaha Baarlamanka FS ayaa u xilsaaray xubno isugu jira wasiiro iyo xildhibaano in ay ka qeybgalaan aaska Marxuumkaasi, iyadoo Gudoomiyaha baarlamanka uu amar ku bixiyay in la soo baaro war cadna laga keeno cidda iska leh Mas'uuliyadda weerarkaasi.

Qodobka la xiriira arimaha dib u heshiisiinta ee dib loo dhigay ayuu Cumar Xaashi aadan sheegay in laga doodi doono maalinimada talaadada kulanka ay ku yeelan doonaan Hotelka Saxafi, iyagoo go'aamo ka soo saari doono.

mUXYADIIN cali jimacaalle jakuula

jakuula@hotmail.com

Muqdisho Somaliya