Gudoomiyaha gobolka G/gaduud Yuusuf Xasan Ciyow ayaa sheegay colaadihii u dhaxeeyay beelo wada dega Mudug iyo G/gaduud ay haatan soo dhawaatay xal ka gaaristeeda, uuna haatan Muqdisho u yimid dhameynta arintaasi.

Ciyow waxa uu yiri in mudo ah ayaynu ku howlaneyn sidii xal kama dameys ah looga gaari lahaa colaadaha u dhaxeeya beelaha wada dega gobolada Mudug iyo G/gaduud, kulamo aan la yeelanay dhinac yadaasi ayna soo dhaweeyeen dhameynta khilaafka ka taagan dhex dooda,

Colaadaha ka aloolsanaa gobolada Mudug iyo G/gaduud ayaa sababay dhimasho iyo dhaawac waliba barakac, iyadoo isku dayo hore oo la doonayay in lagu xaliyo dhibaatadaasi ay hirgaliwaayeen ayuu rajo ka muujiyay gudoomiyaha gobolka G/gaduud Yuusuf Xasan Ciyow in haatan la gaaray xiligii ugu haboonaa ee dadka degaankaasi ay iska iloobi lahaayeen khilaafka u dhaxeeya, ayna ka wada shaqeyn lahaayeen danta shacabka oo u baahan nabad iyo daganaasho ay ku wada nolaaadaan.