Ra’isulwasaarahaa dowladda FS Cali Max’ed Geedi ayaa safar deg deg ah uga ambabaxay magaalada Jowhar ee xatunta gobolka Sh/hoose, isagoo gaaray magaalada Nairobi ee dalka Kenya.

Wasiir K/xigeenka wasaaaradda warfaafinta dowladda FS Salaad

Cali Jeelle oo RSTV la xiriirtey isagoo ku sugan magaalada Jowhar ayaa waxa uu sheegay in safarka Ra’isul wasaaruhu uu yahay mid shaqo mudo labo cesho ahna uu joogi doono caasimadda dalka Kenya ee Nairobi balse aanu faah faahin ujeedada rasmiga ah ee Ra’iuslwasaaruhu u tagay dalka Kenya.

Waxaa lagu wadaa in magaalada Nairobi uu kulan kula yeesho Ra’isulwasaaraha wakiilka gaarka ah ee Q.M u qaabilsan arimaha Somaliya Farancois fall oo mudooyinkaan tambe ku taamayay sidii uu isugu keeni lahaa xubnaha dowladda ee ku kala suwan magaalooyinka Jowhar iyo Muqdisho.

Sidoo kale Afhayeenka Baarlamanka dowladda FS Shariif Xasan Sheekh Aadan ayaa isna lagu wadaa in uu soo gaaro caasimadda dalka Kenya ee Nairobi, balse warar aan la xaqiijin ayaa waxa ay sheegayaan in Shariif Xasan uu la kulmi doono Fall iyo Ra’isulwasaare Geedi.

Ra’isulwasaare Geedi ayaa la sheegay in uu ku soo laaban doono labo maalmo ka dib marka uu soo dhameysto boqashadiisa magaalada Jowhar oo xarun u ah garabka ka mid ah dowladda FS.

jakuula@hotmail.com