R/wasaare geedi oo sheegay in aan la aqbalaynin qorsha ay wadan hogaamiyaasha muqdisho

R/wasaaraha Dowladda FKMG ah ee Soomaaliya Prof. Cali Maxamed Geedi ayaa waxa uu cadeeyay inaanu aqbali doonin waxa uu ku sheegay qorshayaasha ay wadaan hogaamiyaasha Muqdisho ku sugan.

Prof. Geedi ayaa waxa uu sheegay in qorshayaasha hogaamiyaasha dagaal ee saldhigtay Muqdisho oo carqaladeynaya howlaha dib u heshiisiinta ee u jeedadoodu tahay soo celinta nabadgelyaga iyo degenaanshaha dalka oo ku yaala geeska Afrika , waxa uuna tilmaamay arin aan la aqbali Karin oo aaney faa’ido ku sugneyn .

Geedi oo ka warcelinayay kulanka istiraajiyadeed hogaamiyaasha dagaal uga bilowday Muqdisho ee isla eegaya taageerada ama diidmada ay kala hor’imaanayaan xukuumadiisa ayaa waxa uu ku sheegay in hogaamiyaasha ku hubeysan Muqdisho oo qaarkood xubno ka ah Xukuumadda uu hogaamiyo ay waajib ku tahay in u howlgalaan nabadda oo ay ka gudbaan carqaladeynta iyo wax is hortaaga .

R/wasaare Cali Maxamed Geedi oo war qoraal ah ka soo saaray Magaalada Jowhar oo ay daabacday Shabakada Moheet oo laga leeyahay dalka Masar ayaa waxa uu ku xusay qoraalkiisa inaan la aqbali Karin qalalaasaha iyo waxyaabaha argagaxa leh ee ka soo yeeraya Muqdisho ,isagoo codsaday in arintaasi lagu badalo nabad

jakuula@hotmail.com