Fransawa Fall ayaa isku dayay inuu xaliyo khilaafka ah ee ka dhex aloosan Dowladda FS , waxaana labada mas’uul ee uu doonayay inuu kulansiiyo ay booqasho kuwada yimaadeen Magaalada Nairobi ee dalka Kenya .

Wargeyska Alkhaleej ee ka soo baxa dalka Imaaraatka Carabta ayaa waxa uu sheegay in R/wasaaha iyo Gudoomiyaha Baarlamaanka ay u cadeeyeen Mr. Fall in jawiga iminka taagan aanu ogolaaneyn in labada dhinac ay wada hadlaan , waxa ayna tilmaameen inaaney suuroobeyn wadahadal xilligan qabsooma .

Gudoomiyaha Baarlamaanka ayaa magaalada Nairobi ka sheegay inuu dib u dhigay socdaalkiisa Muqdisho oo uu guda galayo booqasho uu mar labaad ku kala bixinayo wadamada Yurub oo qeyb ka ah Dalka Sweden iyo kuwa kale.

Gudoomiyaha Baarlamaanka Soomaaliya ayaa booqasho dibadda ah dalkiisa uga maqan ku dhawaad laba bilood ,isagoo horey u booqday dalalka Mareykanka ,Britain iyo kuwa kale.

Dadka siyaasadda ka faalooda ayaa waxa ay sheegeen in mushkilado faro badan ay soo food saareen Shariif Xasan

Gudoomiyaha Baarlamaanka Soomaaliya oo hogaamiya xubnaha dowladda ee ku sugan Muqdisho ,oo iyagu aanu wax la taaban karo oo muuqda ka qaban xaalada amaan ee Muqdisho , taasoo Madaxweyne C/llaahi Yuusuf iyo R/wasaarigiisa Cali Maxamed Geedi oo iyana saldhigtay Jowhar ay ku doodayaan in Muqdisho ay tahay meel halis ah oo aaney suuroobeyn in Dowladda ay u soo guurto.

jakuula@hotmail.com