Ergeyga gaarka ah ee qaramada midoobay oo manta Dayniille kasoo dagay.

Garoonka dayaaradaha ee dayniile ee magaalada Muqdisho waxaa maanta abaarihii 10:30 barqanimo kasoo dagay ergeyga gaarka ah e qaramada midoobay u qaabilsan Soomaaliya Faransi fall .Ergeyga waxaa garoonka kusoo dhaweeyey xubnaha dawlada ku meel gaarka ah ee Soomaalya ee Muqdisho ku sugan .

Wafdiga uu hogaaminayay Mr faransi ergeyga qaramada midoobay ee Soomaaliya ayaa waxa ay ku degteen aqal wasiirka amniga qaranka dawlada federaalka ku meel gaarka ah ee Soomaaliya Maxamed Qanyare afrxa ayagoo halkaasina kula kulmay gudoomiyaha barlamaanka Shariif Xasan Sheekh Aadan iyo guddi ka kooban 12 xubnood oo maalintii shalay ahayd xubnaha labada gole ee Muqdisho ku sugan ay u magacowdeen in ay soo diyaariyaan waxyaabihii gudigan uu hogaaminayo faransi fall la hor dhigi lahaa.

Wafdiga ayaa doonaya in ay wax ka ogaadeen waxyaabaha ay ka tabanayaan xubnaha Muqdisho ku sugan kuwa kale ee Jowhar ku sugan .Gudiga qaramada midoobay ka socda ayaa ujeedkooda Soomaaliya waxa uu yahay heshiisiinta xubnaha dawlada ee jowhar iyo Muqdisho ku kala sugan .Wafdiga faransi Fall ayaa horey  kulan waxa ay kula qaateen magaalada Jowhar xubnaha halkaasi ku sugan .

 Maxamed Cumar Sheeq

Rochester Somali Tv  Muqdisho
Mcadde@rstvonline.com