Ergayga jaamacadda Carabta u qaabilsan Arimaha Afrika iyo Soomaaliya Dr Samiir Al-Xusni iyo wafdi uu hogaaminayo ayaa maanta gaaray Degmada jawhar oo xarun u ah dawlada fedraalka ee uu hogaamiyo madaxweyne C/laahi Yuusuf.

Ergada jaamacadda carabta ayaa waxa ay Jawhar wada hadalo kula yeesheen Raii’sul wasaare Geedi iyo xubno golahiisa wasiiradda ka tisan,iyadoo jaamacadda carabta ay kala hadashay sidii xal loogu heli lahaa Khilaafka Fogaadey ee ka dhex taagan Xubnaha dawladii lagu nsoo dhisay Kenya sanad ka hor oo burburka qarka u saaran.Kulanka ka dhacay jawhar oo ahaa mid saacado qaatay ayaa wafdiga waxa ay isla maanta dib ugu laabteen magaalada Neyrobi oo ay markii horay ka yimaadeen.

Jaamacadda Carabta iyo Beesha caalamka ayaa Ku xirtay Shuruud Deeqaha dhaqaalle ee la siinayo dawlada fedraalka oo lagu xiray iney marka hora heshiiyaan ayna muujiyaan wada shaqeyn hay’adaha kala gadisan ee Xukuumadda Fedraalka ay ka kooban tahay.

Xoghayaha Guud ee jaamacadda Carabta Caamir Musaa ayaa hakiyay Deeq dhaqaalle oo ay codsatay dawlada Fedraalka taasoo gaareysay 2 Milyan oo doolar, inta xal loogu helayo khilaafka Xukuumadda Soomaaliya.

Muxyadiin Cali jimcaalle jakuula

jakuula@hotmail.com

Muqdisho Somaliya