Saraakiil katirsan ciidamada amaanka ee magaalada kismaayo ayaa xaqiijiyey inay gacanta ku soo dhigeen ninkii dilay sarkaalkii Q,M maxamuud muuse uraago oo afartii bishaan lagu dilay bartamaha magaalada kismaayo.

Ciidamada amaanka magaalada Kismaayo oo maalmahaanba waday howlgalo ay ku qab qabanayaan dadkii ka dambeeyay falkii lagu qaarjiyay 4 tii Bishaan October Marxuum Max’uud Muuse Guraage ayaa maanta gacanka ku dhigay ninkii dilay Marxuumkaasi.

Saraakiishii fulisay howlgalkaasi ayaa waxa ay sheegeen in ay ka soo qabteen isagoo ku dhuumaaleysanaya iskuulka Ganaane ee magaalada Kismaayo, halkaasi oo la tilmaamay in isku diyaarinayay Safar uu uga amababaxo magaaladaasi.

Saraakiisha waxa ay sheegeen in ninka ay soo qabteen uu yahay ninkii geystay falkii lagu qaarjiyay Marxuum Guraage, inkastoo aysan jirin warar ka madax banaan Saraakiisha oo cadeeynaya in ninkaasi uu yahay eedeysanihii falkaasi geystay.

Soo qabashada eedeysanahan ayaa ka dambeysay 2 maalin ka dib markii magaaladaasi ay socdaalo ku imaadeen saraakiil ka socotay Hay’adda UNDP oo u kuurgaleysa falkii lagu qaarjiyay Marxuum Guraage oo isagu ahaa ninkii ugu qeybsanaa hay’adaha Q.M dhinaca amaanka gobolada J/hoose.

Hay’adaha Q.M oo doonayay in howlo bani’aadnimo ay kabilaabaan gobolada Jubooyinka ayaa isaga baxay magaalada Kismaayo ka dib markii toogasho lagu dilay sarkaalkii ugu qeybsanaa amaanka, iyadoo hay’adaha samafalka ay shuruud ku xireen dib ugu soo laabashadooda magaalada Kismaayo markii cadaaladda la horkeeno dadkii geystay falkii lagu qaarjiyay Marxuum Guraage.

Marxuum Guraage ayaa toogasho lagu dilay 4 tii bishaan October mar uu ka soo baxayay xafiiskiisa magaalada Kismaayo, iyadoo la sheegay xiligaasi in uu ku soo jeeday gurigiisa, waxaana cambaareeyay dilkiisa qeybaha bulshada iyo hay’adaha gargaarka caalamiga ah.

Muxyadiin cali ji9mcaalle jakuula

jakuula@hotmail.com muqdisho somaliya