Ciidamada Xeebaha Yemen oo qabtay laba doomood oo Tahriibayaal ah

Ciidamada amaanka Yemen ayaa gacanta ku dhigay laba doomood oo Tahriibayaal ay saarnaayeen oo ka yimid Gobolka Geeska Afrika oo si sharci daro ah ku soo galay dalka Yemen dhamaadkii Todobaadkii hore .

Gacan ku dhigida doomahan ayaa waxa ay suura gashay markii is rasaaseyn xoogan ay dhexmartay ciidamada Yemen iyo kooxdii wadatay doontaasi oo Soomaali ahaa .

War ka soo baxay ciidamada ilaalada xeebaha Yemen ayaa waxaa lagu sheegay inay gacanta ku dhigeen laba doomood oo soo galay biyo goboleedka Yemen gaar ahaa halka lagu magacaabo Bi’ru Cali ee xeebaha Badda Carbeed , waxaana saarnaa 143 ruux oo ay ku jireen 24 haween iyo afar caruur .

Wargeyska 26-ka September ee ka soo baxa dalka Yemen ayaa waxa uu sheegay in shaqaalihii saarnaa labadaasi doomood ay isku dayeen in ay iska caabiyaan askartaasi roondada ka ahaa xeebaha Yemen , waxa ayna rasaas ku soo ganeen dhinaca askarta Yemen ay ku sugnaayeen , iyadoo arintaasna ay sababtay in ciidamada Yemen ay ku jawaabaan rasaas iyadoo la soo gacan geliyay shaqaalihii iyo naaquudayaasha labada doomood oo ka koobnaa 7 ruux .

Waxaa la tilmaamay in is rasaaseynta labada dhinac ay is weydaarsadeen ay sababtay dhaawaca ilaa iyo laba ruux oo Soomaali ah , waxaana iminka lagu daweynayaa xera dadka qaxootiga lagu qaabilo , waxaana la shaaciyay in ciidamada Yemen ay adkeeyeen amaanka doomaha ay qabteen oo laga leeyahay Soomaaliya , dadka Tahriibayaasha ee soo barakacay ayaa loo xero qaxooti oo ku taala Deegaanka Meyfaca .

Muxyadiin Cali jimcaalle jakuula

jakuula@hotmail.com

Muqdisho Somaliya