howlgal ay sameeyeen ciidamada amaanka ee magaalada Ksimaayo ayaa waxa ay xalay ku soo qabteen nin dhaawac ah oo la sheegay in uu ku lug lahaa dilkii sarkaalkii Q.M ee dhowaan lagu dilay magaalada Kismaayo.

Ninkaasi ayaa laga helay guri ku yaala mid ka mid ah xaafadaha magaalada Kismaayo, isagoo dhaawac ah, waxaana saraakiisha Isbaheysiga ay sheegeen in laga keenyay dhinaca Buulo xaaji oo howlgal ciidamada Isbaheysigu ay ka sameeyeen ay ku dhinteen 2 ruux.

Ninka Dhaawaca ah ayaa waxaa la dhigay xabsiga gudaha magaalada Kismaayo, waxaana saraakiisha Isbaheysigu ay sheegeen in ninkaan lagu tuhmayo in uu qeyb ku lahaa shirqoolkii lagu qaarijiyay sarkaalkii Q.M dhinaca amniga u qaabilsanaa.

Saraakiil u hadashay isbaheysiga D/jubba ayaa waxa ay sheegeen in ay jiraan 4 ruux oo ay ku tuhmayaan dilka ninkaasi, iyagoo sheegay in mid ka mid ah 4taasi nin ay ku dileen tuulada Buulo Xaaji halka mid ka mid ahna ay qabteen maanta isagoo dhaawac ah

jakuula@hotmail.com