dilalka loo geysanayo dadka aan wax galabsan oo Muqdisho kusoo badanaya.

 

shalay ayay ahayd markii wadada Maka Al-mukarama lagu dilay sarkaal ka tirsanaa xarunta danbi baarisa Soomaaliyed ee CID laguma magacaabi jiray Maxamed Cisam Coon .

 saacado ka dib dilkaasi ayaa xalay kooxo hubeysan waxa ay guri kala baxeen haweeney degeneed xaafada Barmuuda ee magaalada Muqdisho.

 

kooxahan ayaa lagu waramayaa in haweeneydii ay ka baxsatay oo ay ku caratay guri halkaa ku dhawaa oo ay degeneed haweeney ay is garanayeen ka dibna kooxihii maleeshiyada ahayd waxa ay u dhaceen guriga ayagoo dilay haweeneydii kasoo carartay iyo midii guriga iska lahayd dhaawacayna wiil dhalinyaro ahaa oo asna markii danbe dhaawicii soo gaarey u geeriyooday.

 

lama garanayo waxa dableydan ay ku maageen haweenkan waxaase falkan uu la xiriiraa falal maalmahan ka jiray magaalada Muqdisho oo lagu beegsanayay waxgaradka iyo aqoonyahanada ayadoo haweenkan aanay ka mid ahayn dadkaasi baryahan la beegsanayay.

dableydii geysatay weerarka ayaa u baxsatay goob aan la garanaynin ayadoo xilliga ay weerarka geysanayeen uu ahaa xilli saq dhaxa ah oo habeen ah dadkana ay inta badan hurdeen.

 

Dhinaca kale gudoomiye ku xigeenka gobolka banaadir ee dhinaca amaanka ayaa kulan deg deg ah la qaatay gudoomiyaasha degmooyinka ay ka dhaceen weerarada .

 

gudoomiyaha ku xigeenka ayaa ka dalbaday gudoomiyaasha degmooyinka in ay wax ka qabtaan amaanka goobaha ay madaxda ka yihiin asagoo dhanka kalena ka dalbaday ciidanka madaniga ah ee xaafadaha in ay dar dar geliyaan sugida amaanka xaafadaha ay matalaan inta laga dhisayo ciidankii booliska gobolka.