Dhac iyo jirdil loo geystay dadka ku safra wadada Wallaweyn iyo Afgooye

 Waraka ka imaanay gobalka Shabeelaha hoose ayaa sheegaya in dad safar ah niman dabley ahi ay  xalay ku dheceen wadada isku xirta degmooyinka Afgooey iyo wanlaweyn ee gobalka shabeelaha hoose oo maalmahanba xaalad ammaan darro oo aad u darani ay ka jirtay.

 Dadkan oo saaka soo gaaray magaalada Muqdisho ayaa sheegay in  wadada laga leexsaday ilaa iyo 7 gaari oo ay la socdeen dabadeetana laga qaatay isku celcelis lacag dhan  ku dhawaad 8 milyan oo shilinka Soomaliga ah .Dadkan lasoo dhacay ayaa sheegay in xilli ay marayeen inta u dhexeysa tuulooyinka Tixsiile iyo Warmaxan  xalay saqdii dhexe ay dableydu wadada ka leexiyeen oo dabadeetan ay baarsho kula dhaqaaqeen.

 Qaar ka mida dadkan lasoo dhacay oo aan saaka kula kulmay boosteejada laga raaco gawaarida Afgooye ee xaafadda Black sea ayaa ii sheegay in maliishiyooyinka oo in kabadan 20 gaarayay ay xitaa jirdil u geysteen  rakaabka qaarkood

 Mid ka mida wadayaasha gaadiidka wadadaa lagu baartay ayaa ii sheegay in gaarigiisa oo keliya ay burcaddu ka qaateen ku dhawaad 3 milyan oo kun,isagoo intaa raaciyay in ilaa 6 gabdhood oo gaarigisa saarnaa jirdil aad u daran loo geystay.

 Marka la eego dhammaanba waddooyinka mara gobalka Shabeelaha hose ayaa waddada isku xirta Afgooye iyo Wanlaweyn waxaa ay ahayd tan ugu ammaanka wanaagsan ,lakin hadda waxaa ay noqotay wadada ug dhibaatada badan oo dadkuna ay cabsi ku maraan kaddib markii kooxo burcad ahi ay aad ugusoo bateen.

 Maxamed Cumar Sheekh (Maxamed Cadde)
Rochester  Somali Tv  Muqdisho