Danjiraha
Somaliya u fadhiya Q,M,u ayaa caalamka ka codsadey in
gacan laga siiyo sidii Xeebaha Somaliya looga hor tagi lahaa burcad badeed
dhibaatada ku haysa Maraakiibta Shisheeye
Danjiraha Soomaaliya u fadhiya Q.M Cilmi Axmed Ducaale, ayaa sidoo kale ku
booriyey golaha amaanka ee Q.M inay debciyaan xayiraada hubka ee saaran
Soomaaliya, si markaasi midowga Afrika iyo wadamada deriska ay gacan u
geystaan sidii loo tababari lahaa ciiadamo wax ka qabta amaandarida ka
taagan dalka.
Mr Ducaale waxa uu u sheegay shir’aad oo ka dhacay xarunta Q.M in beesha
caalamka ay dayacday Soomaaliya.
 
Golaha amaanka ee Q.M ayaa lagu wadaa in maanta uu kulmo, isla markaana
uu ka hadlo mushkiladda ka taagan wadanka Somaliya, taasi oo si weyn u
cuuryaamisay dhamaan adeegyadii dalka uu lahaa, waxaana golaha uu si weyn
uga doodi doodi doonaa sida loogu gudbi lahaa fowdada taagan mudada ka badan
14 sano ee wadanka Somaliya.
Dowladda Somalia ayaa waxa ay wadaa dadaal ay ku dooneyso sidii golaha
amaanka ee Q.M ay uga dhaadhicin laheyd sidii Somaliya looga qaadi lahaa
xayiraada dhinaca hubka, taasi oo horseedeysa in ciidamo ajnabi ah dalka ay
yimaadaan, si ay wax uga qabtaan xaaladda cakiran ee ka taagan dalka somalia.
Xeebaha Somaliya ayaa bilooyinkii ugu dambeeyay waxaa si weyn ugu soo
badanayay Burcad badeed dhibaato weyn u geysatay Maraakiibta shisheeye iyo
Doonyaha, taasi oo walaac hor leh ku abauurtay beesha caalamka, waxaana
dowladda FS walaac ku haya burcad badeedka ku sii xoogeysanaya xeebaha
Somaliya, isla markaana ay codsaneyso in wax laga qabto si maraakiibta u soo
socdaasha Somaliya ay u helaan amaan.
Warkii oo English ah Riix Halkan
Muxyadiin Cali jimcaalle jakuula
jakuula@hotmail.com
Muqdisho Somaliya
|
