Ergayga Qaramada Midoobay u qaabilsan Soomaaliya Danjire Francious Fall ayaa sheegay in Qaramada Midoobay ka go’aan tahay sidii ay u balaarin lahayd howlaha ay ka wado Magaalada Muqdisho ee Caasimadda dalka Soomaaliya,isagoo sheegay inay taasi tahay go’aan ay gaartay Qaramada Midoobay oo in badan howlo kala duwan ka qabatay Soomaaliya.

Waxaa uu sheegay in xaalada Soomaaliya ay soo martay marxaladu kala duwan,isagoo sheegay in Qaramada Midoobay markii hore Ciidan ahaan ku lug yeelatay arrimaha Soomaaliya, sidoo kale wuxuu sheegay in Qaramada Midoobay ay taageersan tahay dadaalka Dowladda Federaalka Soomaaliya ka wado dalkeeda.

Waxaa uu sheegay in Qaramada Midoobay looga baahan yahay inay wax ka qabato arrimaha dalka Soomaaliya,wuxuuna sheegay inay balaarin doonaan Howlaha kala duwan ee ay ka wadaan magaalada Muqdisho.

Dhinaca kale Guddoomiyaha Baarlamaanka Federaalka Soomaaliya ayaa ku amaanay dadaalka uu wado Danjire Fall oo uu sheegay inuu la yimid dadaal dib u heshiisaneed oo looga baahan yahay in Labada garab ee Dowladda qaatan qorshahaas.