Sheekh Nuur Baaruud oo ah kuxigeenka Guddoomiyaha Daladda Culimada Soomaaliyed ayaa sheegay inuu ka xun yahay falka lagula kacay Maraakiibta Ganacsiga iyo kuwa hay’adaha gargaarka ee kaalmada u wadaan Shacabka Soomaaliyed.

Waxaa uu sheegay in loo baahan yahay in dadweynaha Soomaaliya ka hortagaan falkan oo ah mid Qatar gelinayo Nolosha dad badan oo Soomaaliyed.

“Hadaan nahay Dallada Culimada Soomaaliyed waxaan ka soo horjeednaa Falka lagula kacay Maraakiibta Shisheeye gaar ahaan kuwa Ganacsiga iyo kuwa hay’adaha gargaarka, Waxaan leenahay ciddii wax isku haysa waxaa looga baahan yahay inay wax ka qabtaan Maraakiibta Badda Soomaaliyed ka dhacaan Kalluunka,laakiin ma aha in la dhaco kuwa Shacabka u adeega”ayuu yiri Sheekh Nuur Baaruud.

Dhinaca kale Ganacasatada,Culimada kala duwan,Saraakiisha Ciidamada kala duwan,Ururada Bulshada Rayidka iyo kuwa kale ayaa waxay ugu baaqeen Burcadd badda inay joojiyaan weerarka ay ku hayan Ganacsiga Soomaaliyed.

jakuula@hotmail.com