Maleeshiyooyinka isbaheysiga D/jubba oo ku duulay tuulada Buulo Xaaji oo ka tirsan magaalada Kismaayo ayaa la sheegayaa in halkasi ay ku dileen dowr qofood tiro kalena ay ku dhaawaceen saakay waabarigii, iyagoo baadi goobaya dad lagu tuhunsan yahay in ay ka dambeeyeen dilkii Max'ed Muuse Gurage oo ka mid ahaa saraakiisha dhinaca amaanka ee Q.M.

Labo ruux oo midu tahay haweeneey ayaa geeryootay halka mid kalena dhaawac uu soo gaaray ka dib markii isku dhac uu ku dhex maray tuuladaa Buulo Xaaji maleeshiyooyin ka tirsan isbaheysiga D/Juba oo watay Kolonyo gawaarida dagaalka ah iyo nin dabley ah, iyadoo ninkaasi uu geeriyooday

Maleeshiyooyinka isbaheysiga D/jubba ayaa waxa ay hareereeyeen saakay aroornimadii tuuladaasi, iyadoo rasaastii ay la beegsadeen ninkaasi dalbeyda ah ay ku geeriyootay haweeney halkaasi ku sugneyd.

Ujeedada m,aleeshiyooyinka isbaheysiga D/jubba ayaa waxa ay halkaasi u tageen sidii ay u soo qaban lahaayeen dad badan oo la tuhunsan yahay in ay ka dambeeyeen dilkii loo geystay Marxuum Guraage oo 4 tii bishaan lagu qaarijiyay magaalada Kismaayo.

Labo ruux oo dhaawac ah ayaa la keenya isbitalka Magaalada Kismaayo, waxaana mid ka mid ah uu ahaa maleeshiyooyinka isbaheysiga D/jubba.

Maleeshiyooyinka isbaheysiga D/jubba ayaa dib ugu soo laabtay magaalada Kismaayo ka dib markii howlgalo ay ka soo fuliyeen

Muxyadiin Cali jimcaalle jakuula

jakuula@hotmail.com