Sheekh Xasan Daahir Aweys dagaal jihaaad ayaan lagalayna Cid kasta oo ......

Sheekh Xasan Daahir Aweys oo ah nin si weyn looga yaqaano dalka soomaaliya ayaa sheegay in dagaal Jihaad ah ay ku qaadayaan ciidan walboo shisheeye oo cag soo dhiga dalka Soomaaliya.

Sheekh Xasan Daahir, Waan la jihaadeynaa Shisheeye kasto oo lug soo dhiga Somaliya

Sheekh Xasan oo waraysi uu bixiyay ay soo daabacday Jariiradda Sudan Tribune ayuu ku sheegay in isaga iyo taageerayaashiisa ay dagaal jihaad ah ku qaadayaan awood walboo ajanabi oo isku dayda inay soo faro geliso dalka Soomaaliya.

Sheekh Xasan Daahir oo ka hadlay waxyaabaha reer galbeedku ay isaga ku tiriyaan ee loogu yeero aragagxisada ayaa sheegay inay tahay waxyaabo ay abuureen cadowgiisa kadib weerarkii 11-kii September lagu qaaday maraykanka waa sida uu hadalka u dhigaye.

Isagoo qadka taleefoonka lagu wareeystay xili uu ku sugnaa masaajid ku yaala waqooyiga magaaladan muqdisho ayuu sheegay in kuwa aan muslimiinta ahayni ay u arkaan dadka diintooda islaamka ku dhegan inay yihiin argagaxiso.

Sheekh Xasan Daahir Aweys ayaa carabka ku dhuftay in uu kula talinayo reer galbeedka inay maskaxdooda bedelaan maxaa yeelay ayuu yiri had iyo gooraale waxay dalalka muslimiinta ugu yeeraan iyo dadka muslimiintaba inay argagxiso yihiin, taasoo aan run ahayn haba yaraatee wuxuuna inta araaciyay in ay arintaasi qayb ka tahay waxyaabaha kala fogeynaya dadka reer galbeedka iyo dunida Muslimka.

Wuxuu kaluu sheegay in isaga iyo taageerayaashiisa ay ku jiraan maleeshiyooyin hubaysani aysan nasan doonin ilaa dalka Soomaaliya ay ka dhisaan dowlad Islaam ah wuxuuna intaa raaciyay inuusan marnaba taageersanayn nidaamka demoqraadiyadda reer galbeedka isagoo ugu baaqay beesha caalamka inay soomaalida u ogolaato mustaqbalkeeda inay ka arinsato.

Sheekh wuxuu yiri reer galbedku waa inay tix geliyaan fikradaheena aan ku arinsanayno sida aanu dalkeeeena u maamulanayno, iyo sida aanu aayaheena uga tashanayno waayo waa xaquuqdeena ayuu hadalkiisa siiraaciyay isagoo weliba sheegay inay qorshaynayo mustaqbalka inuu soomaaaliya door muuqda ku yeesho.

jakuula@hotmail.com