Warar dheeraad ah oo ka soo baxay dagaalkii shalay ka dhacay degaanka Wadgalinsoor.

Warar dheeraad ah ayaa ka soo baxay dagaal shalay ka dhacay degaanka Wad galinsoor ee gobolka G/gaduud, dagaalkaasi oo sababay dhimasho iyo dhaawac badan.
Dagaalkan oo u dhaxeeyay labo maleeshiyo beeleed oo waayadaan ku dagaalamayay degaano ka tirsan gobolada Mudug iyo G/gadiid kana soo jeeda Beesha Habar-gidir ayaa waxaa la xaqiijiyey in ay ku geeriyoodeen ilaa 15 ruux halka tirada dhaawaca ay intaasi ka badan tahay.

Dagaalkaan oo dhacay shalay ayaa la isku adeegsaday hubka nuucyadiisa kala duwan, waxaana dadka ku geeriyooday iyo kuwa ku dhaawacmay ay intooda badan ahaayeen kooxihii dagaalamayay.

Warar aan la xaqiijin oo laga helay degaankii shalay dagaalka uu ka dhacay ayaa sheegaya in saakay dagaal uu ka dhacay, inkastoo aan la soo sheegin qasaaraha uu geeystay dagaalkaasi.

Dagaalkaan oo soo noqnoqdey in badan ayaa waxaa fashilmay isku dayo badan oo lagu doonayo in lagu dhameeyo khilaafka u dhaxeeya beelaha Saleebaan iyo Sacad oo iyagu dagaalkooda salka uu ku hayo dad aano qabiil ay isaga dileen labada dhinac


Muxudiin Cali Jimcaale Jakuula

Muqdisho

Jakuula@hotmail.com