Dad laugu qiyaasay afar ruux ayaa Ugu yaraan geeriyootay qaar kalena waa ay ku dhaawacmeen dagal maanta ka dhacay agagaarka xaafadda yaaqshiid ee magaalada Muqdisho.

Dagaalkan oo u dhaxeeya labo maleeshiyo oo isku heysata gaari uu saaran yahay Qoriga loo yaqaano Zuuga oo lidka diyaaradaha ah oo ku jira guri uu lahaa nin ganacsade ah oo lagu magacaabi jirey Marxuum Sheekh Ibraahim ayaa wararku waxa ay sheegayaan in ay ku geeriyoodeen ilaa 4 ruux halka tiro intaasi ka badana ay ku dhaawacmeen.

Maleeshiyooyinka isku heysta guriga Zuuga uu ku jiro ayaa waxaa la sheegay in Qaarkood ay guriga ku jireen halka kuwa kalena ay soo weerareen.

Dadka deggan  xafada Yaaqshiid oo goordhaweyd ay laxiriiraty RSTV ayaa waxa ay sheegeen in wali ay is horfadhiyaan maleeshiyooyinka, iyadoo aysan jirin wax waan waan ah oo laga dhex wado labadaasi maleeshiyo oo dagaalka u dhaxeeyo

jakuula@hotmail.com