|
Dagaalo cusub oo ka dhacey Shabeelada dhexe
Dagaal bilowday saqdii dhexe ee xalay socdayna ilaa waabarigii saakay
laguna kala qabsaday gaadiidka dagaalka ayaa lagu soo waramayaa in uu ka
dhacay degaanka Mirtaqwo oo ka tirsan degmada Jowhar ee gobolka Sh/dhexe.
Ilo Xog ogaal ah oo ku sugan deegaan kaasi ayaa RSTV u xaqiijiyay in iska
horimaadkaasi oo u dhaxeeya maleeshiyo taabacsan maamulka gobolka Sh/hoose
ee uu hogaamiyo Maxamed Dheere iyo maleeshiyooyinka degaankaasi.
Dagaalkan oo intii uu socday la isku adeegsadey hub gacmeed iyo tigniko ayaan
faahfaahin dheeraad aha laga helin qasaaraha dhabta ah ee uu geeystay marka
laga reebo labo ruux oo dhimasho ah iyo tiro dhaawac ah oo labad dhinac ah.
Dagaaljan ayaa wararku sheegayaan in uu ka bilowday Suuqa degaanka
Meertaqwe ka dib markii maleeshiyada Maxamed Dheere ay damceen in ay
canshuur ka qaadaan ka dibna maleeshiyadii kale ee degaanka ay arintaasi
iska hor istaageen.
Dagaalkan oo xalay 10 kii habeenimo bilowday ayaa istaagay waabarigii
saakay, iyadoo wali ay is horfadhiyaan dhinacyadii dagaalamay inkastoo la
filankaro in uu iska horimaad mar kale uu dhexmaro labada dhinac
dagaakan ayaana aheyn kii ugu horeeyey iee ka dhaca miirtaqwe haatan
kahor ayaa mid kamida maamula shabeelada dhexe oo haystey maaliyda miirtaqwe
ay rasaas ku dileen maleeshiyo u dhalatey degaankaasi maamulkana uu u direy
ciidamo abniga suga balse aan la qaban dadki falkaasi geys tey
Muxyadiin Mali Jimcaale jakuula
Muqdisho Somaliya
|
