Dagaal dhimasho iyo dhaawac abuuray oo ka dhacay magaalada Baydhabo ee G/Bay

Wararka ka imaanaya magaalada Baydhabo ee xarunta gobolka Bay ayaa sheegaya in halkaasi ay ku geeriyoodeen ilaa laba ruux halka ay ku dhaawacmeen illaa todobo ruux oo kale iska hor imaad ka dhacay Bartamaha suuqa weyn ee magaaladaasi.

Dagaalkan ayaa wararku sheegayaan inuu salka ku hayo dhac ay doonayeen dhinac ka mida maliishiyaadka dagaalku uu dhex maray, waxaa jira warar kala duwan oo ka soo baxaya qasaaraha goobtaasi ka dhacay maanta.

Dhinaca kale waxaa duleedka magaalada Baydhabo xalay ka dhacay arin la yaab leh kadib markii nin lagu gowracay sabab la sheegay inay la xiriirto Aanno Qabiil, waxaana dadka deegaanka oo aan la xiriirnay ay inoo sheegeen inay la yaab ku noqotay dhacdadan.

Waa falkii ugu horeeyay ee noocaan ah ee ka dhaca magaaladaasi muddo ku dhow sedax sanadood,iyadoo dhowr jeer oo hore ay falal noocaan oo kale ah ay ka dhaceen.

Muxyaddiin Cali Jimcaale Jakuula

jakuula@hotmail.com