Dadkaan la sheegay in ay ku sumoobeen shidaalka ayaa tiradoodu ay gaareysaa ilaa 20 ruux oo isugu jira Dumar iyo Caruur, iyadoo ay waxyeelo ka soo gaartay ka dib markii ay u adeegsadaan shidaalkaan Feynuusyaha la shito habeenkii, iyadoo wararku ay xaqiijinayaan gaaskan markii ay ku shubeen Feynuusyaha uu ka soo baxay uumi aad u wasaqeysan oo ay ku doorsoomeen dadkaasi.

Shidaalkaan ayaa waxaa la sheegay in uu ka soo galay degaanka Xagar dhanka magaalada Kismaayo oo ay ka soo iibsadeen ganacsato, waxaana wararku intaasi ay ku darayaan in shidaalka marka la furo fuustada uu ku jiro uu ka soo baxayo Oxygen badan oo dadka ay dhibeyso neefsashada, iyagoo mararka qaar ay hunqaacayaan sida uu u xaqiijiyay shabakada warbaahinta Dr. Max’ed C/laahi Xuseen oo ah xeeldheere caafimaad oo ku sugan degmada Xagar ee gobolka J/hoose oo nagula soo xiriirey khadka isgaarsiinta fooneeyaha.

Dr.Max’ed C/laahi Xuseen waxa uu faah faahin ka bixiyay qaabkii dadkan ay ugu sumoobeen gaaska in ay tahay markii ay ku shiteen feynuusta saacad ka dib markii ay jiifteen in qaacii feynuusta ay ku neef qabatoobeen kadibna, iyagoo suuxsan la arkey. Haatana ay yihiin kuwo xaaladooda caafimaad ay aad u liidato.

Waxa uu intaasi ku daray in gaaskaan qeyb ka mid ah loo qaaday magaalada Nairobi ee wadanka Kenya sii loo ogaado waxa ku jira, isagoo ka codsaday maamulka isbaheysiga D/jubba in ay ka hortagaan iibashaada shidaalkan lagu sumoobayo si ay u badbaadaan in badan oo ka mid ah bulshada ku nool gobolada Jubooyinka.

jakuula@hotmail.com