Ciidanka Maxamed dheere oo soo qabqabtay kooxo burcad ah

ciidammada ammaanka ee gobalka shabeellaha dhexe kana amarqaata maxamed dheere  ayaa howl gal burcada lagu sifeynayo  ka fuliye wadada isku xirta  gobolka Hiiraan iyo Jowhar  waxaana lagu soo qabqabtay  ilaa 1 4 nin oo burcad ah oo isbaro ay u tiil  meel deegaanka Fiidow u jirta dhowr kiilomitir halkaaso dadka iyo gawaaridaba ay ku furanayeen.

 Howl galkan ayaa yimid kaddib markii Maxamed Dheere uu ammar ku bixiyay in la qaado isbaarooyinka  yaala inta u dhexeysa tulada Fiidow iyo degmada Buulaburte ee gobalka Hiiraan,Maxamed dheere ayaa maleeshiyooyinka isbaarada u taal u balanqaaday inuu siinayo 900 kun oo shilinka Soomaaliaga ah hadii ay iska daayaan isbaarada.

Laakiin maleeshiyadii isbaarada u tiil arintaa ayada ahi waa ay u cuntami weysay taasina waxa ay sababtay in howgalkan lagu dhaqaaqo. Arintan lagu sifeynayo wadada isku xirta Shabeelaha dhexe oo iminka xarun u ah dawlada iyo gobolka Hiiraan ayaa timid ka dib markii lagu dhawaaqay in dawladu ay saldhig kmg ah ka dhigatay Jowhar.

Dhinaca kale Guddoomiyaha guddiga siyasadda gobalk Shabeellah dhexe Maxamed Cummar Xabeb (Maxame Dhere) ayaa magacaabay masuul cusub oo taliye u noqonaya ciidammo loogu tala galay in ay sugaan ammaanka deegaannada u dhexeeya tuulada Fiidow iyo degmada Buula burte ee gobalka Hiiraan.

 Cusmaan Joorre ayuu Maxamed Dheere u magacaabay in uu noqdo taliyaha cidamada ammaanka ee inta u dhexeysa deegaanada Fiidow iyo Buuloburde.

 Maxamed Cumar Sheekh (Maxamed Cadde)
Rochester Somali TV   Muqdisho