Raashinkaan gargaarka ayaa degmadaasi iyo degaanada ku dhow dhow waxaa ka bixinaya hay’adda samafalka Care International oo la kaashaneysa ururo kale oo wadani ah oo ka jira degaankaasi.

Raashinkaas gargaarka ah oo dhan ilaa 350 Mton ayaa waxaa uu ka kooban yahay Haruur, Boorash, Digir, Saliid iyo Cusbo kuwaasi oo loogu talo galay in ay wax ka taraan nolosha qeybo ka mid ah bulshada oo in mudo ah aan helin wax kaalmo bani’aadnimo, waxaana ay si weyn u soo dhaweeyeen mucaawinada balaaran ee loo qeybiyay.

Qeybinta raashinkaan ayaa shalay galab ku soo gabogabowday sidii loogu talo galay sida ay RSTV u sheegeen qaar ka mid ah ururada samafalka wadaniga ah oo aan kula xiriirney khadka isgaarsiinta fooneeyaha.

Waxaana la sheegay in gargaarkaas uu yahay mid isdaba joog ah, iyadoo maalmaha soo socdo la filayo in gargaar kale uu soo gaaaro degmada Ceelwaaq iyo nawaaxigeeda.

Ururarada howlwadeenada wadinaga ah waxa ay sheegeen in gargaarkaasi uu yahay mid tijaabo ah isla markaana dhiiri galin u ah amniga hay’adaha samafalka oo doonaya in ay gargaar u fidiyaan dadkii ku dhibaateysnaa degmadaaasi oo maalmihii ugu dambeeyay walaac ay ka qabeen amniga magaaladaasi.

Si kastaba ha ahaatee waa markii ugu horeysay oo gargaar ceenkaan oo kale ah loo qeybiyo tan iyo waxii ka dambeeyay dagaalkii ka dhacay degamada Ceelwaaq.

jakuula@hotmail.com