Cali Ugaas Cabdule oo loo magacaabay Qunsulka Safaarada Soomaliya dalka Talyaaniga.

Wararka laga helayo Xafiiska Ra'iisal Wasaaraha Soomaaliya ayaa sheegaya in Siyaasiga Soomaaliyed Cali Ugaas C/lle loo Magacabay Qunsulka Guud ee Safaaradda Soomaaliya u fadhiya magaalada Roma ee dalka Talyaaniga.

Cali Ugaas Cabdulle ayaa dhawaan gaaray Magaalada Roma, waxaana la sheegaya inuu watay Waraaqtii lagu magacabay, taas oo u gudbiyay Wasaaradda Arrimaha Dibadda ee Talyaaniga. Magacaabista Cali Ugaas oo ku soo beegantay maalmo kadib markii Roma lagu aasay qunsulkii guud Axmed Sugulle Xersi oo ku geeriyooday magaalada Roma, waxaana la sheegaya in Cali Ugaas xiriir Wanaagsan kala dhaxeeyo waaxda arrimaha Dibadda Talyaaniga.

Cali Ugaas C/lle oo Dowladdii Carte ka soo noqday Guddoomiyaha Gobolka Banaadir ayaa ka hor waxaa uu ahaa mid ka mid ah kuxigeenada Cali Mahdi Maxamed, isagoo dad badan ku yaqaanan inuu yahay Siyaasi, hogaamiye dhaqan iyo nin inta badan soo jiita Shacabka

Muxyadiin Cali Jimcaalle Jakuula

jakuula@hotmail.com

Muqdisho Somaliya