Cismaan caato oo ku sheegay qaraxii lala beegsaday Geedi in uu ahaa mid ay ka dambeeyeen dad lacago ku lahaa

Wasiirka hawlaha guud iyo guryaynta dawlada fedraalka Cismaan xasan Cali Caato ayaa ku tilmaamay qaraxii weerar ee loo geystay Ra'isulwasaare Geedi xilli uu yimid magaalada Muqdisho inaanu geysan qaraxaasi dadka reer Muqdisho, isagoo intaasi ku daray qaraxaasi in aanu aheyn mid siyaasadeed oo ay ka dambeeyeen dad deymo ku lahaa Ra'isulwasaare Geedi.

Wasiirka Hawlaha Guud iyo guryaynta dawlada fedraalka Cismaan Caato ayaa dhinaca kale waxa uu soo dhaweeyay hindisaha nabadeed ee uu ku baaqay wasiirka dib’udhiska iyo dib’udajinta Barre Hiiraalle ee ku saabsan in lagu dhameeyo khilaafka dawlada ku kala qaybsan Muqdisho iyo jawhar balse aysan cid gaar la soo Xambaarsanin si duu yiri Caato.

Cismaan Caato ayaa su’aal laga weydiiyay Sida uu u arko aragtida siyaasadeed ee IGAD ee ku wajahan soomaaliya, waxa uu sheegay ineysan IGAD waxba ka quseyn Somalia isla markaana loo baahan yahay in soomaaliya arimaheeda loo daayo.

Wasiirka Hawlaga guud Cismaan Caato oo wareysi dhinacyo badan taabanaya siiyay Idaacadda RSTV ayaa waxa uu kaga hadlay Aragtidiisa Siyasadeed ee ku Aadan maamulka shalay Muqdisho ay ku ansaxiyeen Xubnaha dawlada fedraalka garabka Muqdisho,isaga oo sheegay in Maamulo kala duwan ay soo mareen Gobolka balse ay guuldareysteen markii laga weecday dhabihii saxda ahaa waa siduu hadalka u dhigaye balse mid iminka ay ansixiyeen uu yahay mid loo maray wadadii saxda aheyd ee ay beelaha gobolka ku wada dhan yihiin,dhismaha dhaqaalle iyo Mida amnigana ayuu kau timaanayo dadka Gobolka.,wayna naga go’an tahay inuu meel mar noqdo maamulka gobolka banaadir.

Cismaan Caato ayaa sidoo kale ka hadlay Edeymaha had iyo goor ay ku celceliyaan garabka Jawhar ee ah in aan muqdisho amaan aheyn taasi ayuu xusay in nidaamka looga bixi doono.

muxyadiin cali jimcalle jauula

jakuula@hotmail.com

muqdisho somaliya