|
Kooxo hubeysan oo dilay shiikh caalim ah oo Muqdisho ku dhaqnaa.
xalay salaadii cishaha ka dib ayaa kooxo ku hubesneyd hubka fudud waxa ay
weerar ku qaaden gaari ay saarnaayeen culumaa'udiin si weyn loo qadarin
jiray gudaha magaalada Muqdisho .
dablaydan ayaa darawalkii ka dalbaday in uu joojiyo gaariga si ay waxa ay
doonaan u fushadaan ayagoon cid kale wax gaasiin balse darawalkii ayaa
isku dayay sida wararku ay sheegayaan inuu baxsado ka dibna dablaydii ay
rasaas xoogan ku furtay gaariga taasoo sababtay in mid ka mid ah culumadii
gaarigaa saarneyd uu ku geeriyoodo rasaaseyntaasi saddex kalena ay ku
dhaawacmaan .
kooxaha weerarka fuliyey ayaa la sheegayaa sida ay xaqiijinayaan wararka
laga he;ayo goob joogayaasha in ay wateen maskaro oo ay wejiga kusoo
duubteen si aan loo garan ka dib markii weerarkii ay fuliyeenna ay
carareen .culamadii ku dhaawacantay weerarkaasi ayaa lagu waramayaa in la
dhigay cusbitaaladii halkaa ka dhaweyd waxaana la sheegayaa in dhaawacoodu
uu kasoo reynayo.
lama garanayo wax yaabaha dhabta ee ka danbeeya dilka caalimkan oo maamule
ka ahaa iskuulka Almarwaazi ahaana imaamkii iyo khadhiibkii masjidka Abii
Hureyra ee ku dhawaa suuqa weyn ee bakaaraha.ninkan caalimka ah ee la
dilay ayaa waxaa lagu magacaabi jiray Sheekh Maxamed Muumin Haaruun
waxaana xilligii la weerarayey gaariga uu ku sugnaayeen xaafadda Xamar
jadiid ee ka tirsan degmada Wardhiglay ee magaalada Muqdisho.
dadka deegaanka iyo guud ahaan dadka ku dhaqan magaalada Muqdisho ayaa
isweydiinaya sababaha loo dilay caalimkan waxaana durba soo baxaya in
falkan uu la xiriiro falal baryahanba lagu beegsanayay culumada iyo wax
garadka ku dhaqan magaalada muqdisho .
mana ahan markii ugu horeysay ee la dilo nin Shiikh ah laakiin waxaa jirta
culumo horey loo dilay oo ilaa iyo iminka aan la garanayn wixii loo dilay
.
Maxamed Cadde.
Rochester Somali TV Muqdisho.
|
