Sida uu RSTV u sheegay Gudoomiyaha Degmada Jowhar Canshuur Cali Nuur ayaa waxa uu xaqiijiyay in Haweeneyda Dishay canugeeda ay gacanta ku soo dhigeen ciidamada Booliska Degmada,wuxuuna sheegay in haweeneyda canugeeda dishay uu dambiga ku cad yahay kadib baaritaan lagu sameeyay.

Haweeneyda dishay canugeeda ayaa la sheegay in ay habeenimadii xalay ay qudha kaga jartay,lamina garanayo sababaha dhabta ee ay u dishay canugeeda. Haweeneydan oo lagu magacaabo Nuurto Max’ed waxaana lagu wadaa in maalmaha soo socda la soo tssgo maxkamad

Muddo iminka laga joogo labo bilood ayaa waxa uu Booliska Degmada Jowhar gacanta ku soo dhigay haweeney iyadu canug ay dhashay laamiga ku tuurtay,sababta ay isaga tuurtayna ku sheegtay inuu yahay canug aan aabo laheyn.

Sidoo kale waxaa dhowr bilood ka hor wadada weyn ee magaalada Jowhar iyana lagu arkay canug aan la garaneyn cida dhashay,oo dhex yaala wadadaas oo deris la ah wabiga shabeele,waxaana canugaas lmasuuliyadiisa la wareegtay haweeney reer Jowhar,isla markaana Maamulka Gobolka Sh/Dhexe uu gacan ku siiyay barbaarinta canugaas laga helay wadada

muxyadiin cali jimcaalle jakuula 

jakuula@hotmail.com