Degmada Balcad oo maalinta Axada Ka dhici Doona Kulan
lagu aas aasi doono Isbaheysi Cusub

Wararka naga soo gaaraya Degmada Balcad ayaa waxa ay sheegayaan in Maalinta Axada uu Degmadaas ka dhici Doono shir ay isugu imaan doonaan kooxihii Dagaal ogayaasha ahaa ee noqday Wasiirada,wararka ayaa waxa ay intaas ku darayaan in shirka ka dhici doona Degmada Balcad uu dhameystir u yahay shirka Mudada sidaxda Maalmood uga socday Degmada Baraawe beelaha Ceyr iyo Mareexaan.

Shirkan lagu wado inuu maalinta Axada ka dhaco Degmada Balcad ee Gobolka Sh/Dhexe ayaa la filayaa in Isbaheysi Cusub laga dhawaaqo,iyadoo hore Degmada Balcad looga Dhwaaaqay Isbaheusi la yiraahdo Golaha Samata Bixinta Qaranka oo uu gudoomiye u ahaa Wasiirka Ganacsiga Xaaji Muuse Suudi Yalaxow.

Degmada Balcad ayaa ah Goob ay gacanta ku hayaan Maleeshiyo ka amar qaata Wasiirka ganacsiga Xaaji Muuse Suudi,waxaana dhowr jeer uu baaqasho ku yimid kulanka lagu dhawaaqay inuu Degmada Balcad ka qabsoomo,iyadoo qabsoomidiisa kulanka uu dhowr jeer hakad ku yimid.

Shirka la filayo in maalinta Axada ka dhic Degmada Balcad ayaa la sheegay in ay kasoo qeyb gali doonaan Xubnaha Labada Gole ee muqdisho jooga oo ay ku jiraan wasiirada hubeysan ,waxaa kaloo kulanka maalinta Aaxada kasoo qeyb geli doona Barre Aadan Shire Barre Hiiraale oo ah Wasiirka Dib u Dejinta, Xildhibaan Xaabsade oo isagu gacanta ku haya Magaalada Baydhabo iyo Gudoomiyaha Gobolka Sh/Hoose Sheekh Yuusuf Indhacadde.

Shirka lagu wado inuu ka qabsoomo Degmada Balcad ayaa waxaa lagu tilmaamay siyaabo badan taasoo ay ku sheegeen xubno ka tirsan Beelaha u dhashay dega Degmada Balcad inuu huri doono dagaal qaraar oo faraha looga gubta.

Wasiirka Amniga Qaranka oo saakay saxaafada u waramay ayaa sheegay inuu dhici doono shirka maalinimada Axadda ah, isagoo sheegay inaaney jiri karin cid is hortaagi karta kulamadooda, waxuuna tilmaamey iney kasoo qeyb gali karaan qeybaha bulshada oo dhan shirkaasi.

Dadka odarasa siyaasada Soomaaliya ayaa waxa ay sheegeen in kulanka ka dhici doona Degmada Balcad uu noqon doono shir lagu aas aasi doono Isbaheysi cusub,kaasoo muhiimadiisa tahay in gobolo badan la isku xero oo maamul goboleedloo sameeyo.

Muxyadiin Cali Jimcaalle Jakula

jakula@hotmail.com

Muqdisho Somaliya