C/laahi Maxamed Shirwac oo ka mid ah madaxda Dhaqdhaqaaqa Bulshada rayidka ah ayaa tibaaxay in Maxaakinta Islaamiga ah ay ugu horeyntii ku amaanan Yihiin Howlaha adeegyada Bulshada ah ee ay ka fuliyaan G/banaadir,islamarkaana ay mudan yihiin in ay lug ku yeeshaan Hogaaminta Dalka.

Shirwac waxaa uu intaa raaciyey in ay Mas’uuliyiinta maxaakimta Sidoo kale ay yihiin Siyaasiyiin ayna doonayaan in ay wadanka ku xukumaan Talis Islaami ah balse ay tahay mid aan marnaba loo baahneyn oo aan meeshaba lasoo galin Karin in ay yiraahdaan talada wadanka ayaan la wareegeynaa iyaga oo adeegsanaya Qori Caaradiis.

Dhinaca kale Dhaqdhaqaaqa Bulshada rayidka ayaa manta baaq kazoo saaray marxaladda uu iminka wadanka marayo iyo khilaafka Dowladda wali ka dhex aloosan.

Qodobadii ku qornaa Baaqa ay soo saareen ayaa dhaqdhaqaa Bulshada rayidka ah oo ay u arkeen in ay yihiin kuwo wax weyn ka taraya Khilaafka ba’an ee udhexeeya Xubnaha Dowladda eek u kala sugan Jowhar iyo Muqdisho :-

Baaqa ayaa waxaa lagu sheegey in ay Ururada Bulshadsa Rayidka ah ay si weyn usoo dhaweynayaan dadaalka nabadeed ee ay iminka ka dhex wado Dowladda Soomaaliyeed Jamciyada Qurumaha ka dhexeysa oo ay ku sheegeen inuu horseedi karo hanaan nabadeed oo waara,Inlaga fogaado inuu wadankeena Soomaaliya Noqdo sida Dhibaatooyinka ka aloosan Darfur iyo Uganda.

Waxaa sidoo kale baaqa lagu xusay in loo baahan yahay in laga fogaado Ururinta Maleeshiyaad hal dhinac ah iyo in la qaato dhammaanba go’aan mid ah oo wada jira loona wada dhan yahay .

Xubnaha labada Gole eek u sugan magaalada Muqdisho waa in ay taageeraan Gudoomiyaha Cusub ee uu G/banaadir usoo magacaabay R/wasaaraha Xukuumadda FKMG-ka ee Somalia Prof.Cali Maxamed Geeddi,Maxamuud Xasan Cali {Cadde Gaabow}sidoo kalana Xubnaha Jowhar ku sugan in ay taageeraan Howlaha Nabadeynta ee laga wado G/Banaadir,ayaa ugu dambeyntiina lagusoo afmeeray Baaqa ay manta soo saareen Ururada Dhaqdhaqaaqa Bulshada rayidka ah ee fadhigoodu yahay Magaalada Muqdisho.

Muxyadiin Cali Jimcaalle Jakuula
Muqdisho Somaliya