MadaxweyanahaDowladda FKMG oo u Socdaaley Yemen

Madaxweynaha Dowladda Federaalka Soomaaliya C/llaahi Yuusuf Axmed iyo wafdi uu hoggaaminayo ayaa  ka dhoofay magaalada Jowhar, isagoo ku sii jeeda waddanka Yemen

Madaxweynaha iyo Wafdigiisa waxay ku sii Hakadeen magaalada Boosaaso waxaana ku soo dhaweeyey Madaxweynaha Puntland Jen. Cadde Muuse Suudi iyo xubno ka tirsan Golahiisa Wasiirrada, iyadoo kadibna la dejiyay Hotel ku yaalla magaalada Boosaaso.

Madaxweyne Yuusuf ayaa marka uu dhameysto booqashada uu ku joogo deegaanada Puntland waxaa la filayaa in uu kadib u amba baxo Dalka Yemen, halkaasi oo uu maanta kaga qayb gali doono shir ay leeyihiin madaxda Dalalka Yemen, Suudaan, Itoobiya iyo Soomaaliya, kaasi oo looga wada hadli doono arrimo badan oo ka jira waddamada ku bahoobey Ururka Sanca gaar ahaan Dalalka Suudaan iyo Soomaaliya.

Madaxweynaha waxaa wafdigiisa ku wehlinaya Wasiiru dowlaha Arrimaha Dibadda Ibraahin Shiikh Jeebo, Wasiirka Hantida Qaranka iyo Qalabeynta Maxamuud Sayid Aadan, Wasiirka Dalxiiska, iyo xubno kale oo ka tirsan golayaasha Dowladda Soomaaliyed