Ra'iisul wasaaraha dowaldda kmg ah ee somalia Cali Maxamed Geeddi iyo wasiirka tamarta dowladda kmg ah ee somalia Maxamed Nuuraani Bakar ayaa maanta baaqnabadeed waxa ay u jeediyeen beelaha ku dagaallamaya tuulada Kuunya barroow ee gobolka Shabeellada hoose

 Bayaan si wada jir ah ay uga soo saareen maaalada Jowhar ayay labada mas'uul ku sheegeen in ay ka xunyihiin dagaallada soo noqnoqday ee ka dhacay deegaankaasi Kuunya barrow iyo deegaanno kale oo dalka Somalia ka mid ah, Waxa ay ka dalbadeen odayaasha dhaqanka iyo dhammaan dadka nabadda jecel in ay doorkooda ka ciyaaraan sidii loo damin lahaa colaadda labada beelood ee walaalaha ah ku dhex maraysa halkaasi.

 Dhinaca kalena wasiirka tamarta dowladda kmg ah ee somaia Maxamed Nuuraani Bakar ayaa shir jaraa'id oo uu ku qabtay magaalada Jowhar waxa uu ku sheegay in goor dhow wasaaraddiisu ay qorshaynayso in ay dhawaan ka howl bilowdo gobllada dalka oo ay koronto siiso.

 Wasiirku waxa uu sheegay in wasaaraddiisu ay haysato ballanqaadyo caalami ah oo la doonayo in dalka Somalia looga hir galiyo koronto ay dadku si hufan uga haqab beelaan.

 Waa bayaankii ugu horreeyay ee xubnaha labada  gole ee dowladda kmg ah ee Somalia ay ka soo saaraan arrimaha dalka tan iyo markii ay soo gaartay dowladdu magaalada Jowhar ee xarunta gobolka shabeellada dhexe,oo haatan ay ka soconayaan dhaqdhaqaaqyo kala duwan oo dowladeed.

Maxamed Cadde

 RSTV Muqdisho, Somalia