Madaxweyne ku xigeenkii sudan John Grang Mbiyor oo maanta la bud-dhigay

 

Sida ay sheeggayaan wararka aynu ka helayno magaalo madaxda Sudan ee Khartuum ayaa sheeggaya in haatan ay ka socoto gobolka dhinaca waqooyi ku yaalla ee Jubba aaska madaxweyne ku xiggeenka Sudan Mr John Garang Mbiyor oo shil diyaaradeed dhawaantan ku geeriyooday

 

Kumanaan kun oo qof oo reer sudan ah ayaa waxay haatan ku sugganyihiin gobolka dhinaca waqooyi ku yaalla ee juba si ay uga qaybgalaan aaska hoggaamiyihii jabhadda SPLA islamarkaasna ahaa madaxweyne ku xiggeenka Sudan John Garang Mbiyor oo loogu talo galay in aaska lagu soo gabogabeeyey saacado kooban

 

Saraakiil ka socotay Qaramadda Midoobay,Madaxweynaha Koonfurta Afrika,Madaxweynaha Uganda,Madax ka socota dalalka reer galbeedka ah,

Dublamaasiyiin,Madaxwaynaha Sudan iyo waliba wafuud caalami ah ayaa ka qaybgaleen aaska hoggaamiyaha geeriyooday oo maanta lagu bud-dhigay halkii uu ku dhashay

 

Dhowr daqiiqo ayaa loo aamusay Meydka Madaxweyne ku xigeenkii geeriyooday John Grang markii la keenay halkii ay ku sugnaayeen madaxdii ka kala socotay daafaha adduunka, Iyadoo dhinaca kalena la Huwiyey meydka Grang Calankii Sudan

 

Meydkii madaxweyne ku xiggeenkii Sudan Joh Garang ayaa intii aan Ciidda lagu rogin la dhex mariyey cutubyo ka tirsan Ciiddanka Booliiska oo loogu talo galay in ay siiyaan xirshadii ugu dambaysay Iyadoo dhinaca kalena ay saf saf u taagnaayeen eheladiisii kuwaas oo dhar isku midir ah watay,Kadibna Meykii waxaa loo soo galbiyey Dhinaca Qabrigii loogu talo galay in lagu Bud-dhigo

 

Afar ma mid ah ciidanka qalabka sida ee Sudan ayaa waxay garbaha ka galeen Meyka Madaxweyne ku xigeenka Geeriyooday,Iyadoo la arkayey qaar ka mid ah dadka sida wayn u taageersanaa Hoggaamiyaha Geeriyooday oo ilmadu hititiqayso

 

Waxayna Wararku sheeggayaan in halkaasi ducooyin ay uga akhriyeen wadaadado ka kala  socday kaniisadaha kala gedisan ee ku yaalla dalka sudan

 

Qabri hal mitir iyo bar ah islamarkaasna laga sameeyey dhismo shub ah ayaa lagu aasay madaxweyne ku xigeenkii geeriyooday,Iyadoo dhinaca kalena ay goobtaasi ku suggnaayeen Afadiisii iyo waliba dhammaan eheladdiisa taasi oo dhaqan  u ah Dadka uu ka dhashay hoggaamiyaha geeriyooday John Grang Mbiyor

 

Qoomiyadda uu ka soo jeedo madaxweyne ku xigeenka geeriyooday ayaa waxaa dhaqan u ah,In marka uu qof ka geeriyoodo qabriga uu qodo qofka ugu da"da wayn reerka, Waxaanna sidoo kale shardi ah in meydka uu bud-dhigo  Abtigiis iyo qofka reer-ka laga geeriyooday ugu wayn islamarkaasna waxaa daqiiqdo kadib timaha laga xiirayaa dhammaan rag iyo dumar dadka laga geeriyooday

 

Ammaanka waddooyinka waawayn ee magaaladda khartuum ayaa aad loo adkeeyey Iyadoo la arkayey boqolaal ciidanka booliiska ah oo gaaf wareegaya hareeraha waddooyinka si ay uga hor taggaan rabshaddo hor leh oo laga cabsi qabo in maanta ay ka dilaacaan magaaladda khartuum

 

 

Sikastaba ha ahaatee Madaxweyne ku xigeenka Sudan John Grang Mbiyor islamaska ahaa hoggaamiyihii jabhadda SPLA ayaa waxuu horaantii todobaadkan ku geeriyooday shil diyaaradeed oo ka dhacday xadka Sudan iyo Uganda islamarkaasna ay ku geeriyoodeen dhammaan madaxdii saarnayd diyaaradaasi oo laga lahaa dalka Uganda

 

Dadka ka faalooda siyaasadda Sudan ayaa sheeggaya in geerida Madaxweyne ku xiggeenka ay dhibaato hor leh u keeni karto wadahadaladii u socday dadka reer koonfureedka ah iyo Dawladda dalka Sudan

 

Mursal Quulle Rochester Somali TV

Nairobi Kenya,