Golahaan oo ka kooban 55 xubnood ayaa waxa ay ka
shaqeynayaan isku xirka bulshada iyo xalka gaarista dhibaatada 15 jirsatay
ee ku habsatay gobolka Banadir.
Nuqul ka mid ah qoraalkan lagu
magacaabay golaha dhaqanka bulsho weynta ex Banadir oo ka soo baxday
Xafiiska Ra'isulwasaare Geedi ayaa waxaa ku xusnaa talo soo jeedintii
Gudoomiyaha maamulka gobolka Sh.dhexe Max'ed Cumar Xabeeb Max'ed DHeere.
Gudoomiyaha golaha dhaqanka Ex-bulsho
weynta gobolka Banadir Max'ed Yuusuf Cali oo u waramay Shabelle ayaa waxa uu
sheegay in ujeeda ka dambeysa magacaabitooda ay tahay in waxii ka dambeeya
maanta gobolka Banadir arimhiisa aan lagala tashan waxa uu ugu yeeray dad
sheeganaya gobolka Banadir.
Max'ed Max'uud Shamuuq oo ah
agaasimaha golaha dhaqanka Ex Bulshoweynta gobolka Banadir ayaa waxa uu
sheegay in ay ku shaqeyn doonaan awaamiirta dowladda FS isla markaana ay
hirgalin doonaan barnaamijka xukuumadda Somaliya.
Ex Banadir ayaa waxaa loo aqoon
jirey gobolada Banadir, Sh.dhexe iyo Sh.hoose, iyadoo xubnahaan uu
magacaabay Ra'isulwasaare Geedi ay ka holwgali doonaan gobladaasi isla
markaana ay ka shaqeyn doonaan, waxaana kulan 2aa la filayaa in ay isugu
yimaadaan maalinta khamiista ah ee soo socota.
Arintaan ayaa waxa ay ku soo
beegmatay xilli Xubnaha labada Gole ee Muqddisho ay iyaguna wada maamul ay u
sameynayaan gobolka Banadir, iyadoo dhowaan ay aheyd markii baarlamanka
garabka Muqdisho an sixiyeen golayaal degaan uu yeelanayo maamulka gobolka
Banadir.
