Prof. Calik Khaliif Galeyr ayaa waxa uu sheegay in xafiiska midowga Afrika ay dhowaan ka furatay magaalada Jowhar ay sabab u noqon doonto in xukuumada Adis-ababa ay ku weyn doonto in Xafiiska midowga Afrika uu ka sii shaqeeyo magaalada Adis-ababa.

Cali Khaliif Galeyr oo xalay u waramayay Saxaafada isagoo ku sugan magaalada Washington ee xarunta u ah dalka Mareykanka ayaa sheegay in mar walba beesha caalamka inteeda lagu tiriyo in arimaha Somaliya ay ku lug leedahay looga baahan yahay in marwalba ay ku dadaalaan halka xalka Soomaaliya uu ku jiro, midowga Afrikana uu waajib ka saaran yahay dhinaceeda.

Taageerada Beesha Caalamka ay u muujiso garab ka mid ah dowladda Iskhilaafsan ee Muqdisho iyo Jowhar ku sugan ayuu ku tilmaamay Galeyr mid sii kala fogeyneysa khilaafka dowladda FS u dhaxeeya taasi uu tilmaamay in ay qeyb ku yeelatay khilaafkaasi sii fogeyntiisa midowga Africa oo xafiis aan la isku raacsaneyn ka furtey magaalada Jowhar oo iyadu ka mid ah degmooyinka ka tirsan Somaliya.

Waxa uu sheegay in Midwga Afrika uu ku deg degay xafiiska uu ka furtey magaalada Jowhar, taasi oo keeni karta hadii midowga Afrika uu ku sii adkeysto xafiiska in uu ka sii shaqeeyo Jowhar in adis ababa ay ku weyso xarunta Midwoga Afrika iminka uga furan.

Waxa uu intaasi raaciyay Galeyr in midowga Afrika ay dani ugu jirin xafiiska ay ka furteen magaalada Jowhar uu ka sii shaqeeyo waqtiyada soo socda, waxaa jira ayuu yiri wadamo ku dadaalaya in xafiiska midowga Afrika laga furo dalkooda, iyadoo taageero kaa helaya beesha caalamaka garab ka mid ah dowladda Is khilaafsan ee midowga Afrika uu ka hiiliyayna gacmaha laaban ma doonaan ayuu intaasi sii raaciyay.

Cali Khaliif Waxa uu sheegay in midowga Afrika uuu hordhigay Q.M in xayiraada hubka laga qaado Somaliya, taasoo Golaha amaanka uu ku gacanseyray arintaasi, iyadoo golaha amaanka uu soo saaray in la sii xoojiyo cuna qabateynta hubka ee la saaray Somaliya

Hadalka cali qaliif galeyr ayaa ku soo beegmey xili uu midowga afrika shaaciyey inuu tababaro ka furaay xafiis kooda magaalada jowhar

Muxyadiin Cali Jicaalle Jakuula
Muqdisho Somaliya